السلام عليكم ورحمة الله وبركاته
بسم الله الرحمن الرحيم
اليوم صحيت من الساعة 7:30 طلعت على الدمام اختم الشهايد وصلت
على مدينه التدريب الساعة 9 دخلت المسرح اخذت ملفي بعدين طلعت على
الدور الثاني فوق بالمسرح وينادون بالأسامي يخذونكم على مجموعات
كل مجموعة تقريبا فيها 8 بعدها تروح على غرفه فيها تقريبا 8 عساكر
تقدم ملفك تروح بعدها عند اول واحد ويسألك
اقرا الفاتحة
كم عدد اركان الاسلام
كم عدد اركان الايمان
من هم الخلفاء الراشدين
من وزير الداخلية
بعدها تروح على ضابط رتبته رايد يقول وين ساكن كم وزنك كم طولك
بعدها تروح لعسكري ثلاث يوقع على الوراق وياخذ الملف وتروح تسجل
اسمك ولازم تكون معك الاحوال طبعا كل هذا داخل غرفه بعدها عطوني
ورقه اسجل الاسم ورقم الطلب وفيها تاريخ النتايج 19/6 ورى الورقة
فيها طلبات لازم تجيبها حول 23 طلب والله يوفقنا وياكم