السلام عليكم ورحمة الله وبركاته رأفة في حال الشباب السعودي ونصيحه من قلب مجرب ياقلب لاتحزن المهم قولو للوظايف طزززززززززززززززززز وجربوا التجاره الحين لاواحد يقول انا لقيت اكل عشان اتاجر ترا بالعجرا بصراحه احسه عذر انسان ماراح عمره يكون تاجر لان التجاره يبيلها صبر وسبحان الله هي دروووووووس شوفوا الزيود واليمانيه يتسللون للمملكه الواحد منهم مامعه مايبدل به ملابسه ومع كذا بعد شهر بس تلقاه ماشاء الله زكرت المهم: انا ماراح اعطيكم مشاريع بالملاييين هههههههه طبعا المليونيره تتكلمبعطيكم مشاريع ماتكلف ابد ابد شي نبدا : المشروع الاول للي معه سياره : طبعا اللي معه سياره وهو مار في الطريق يشيل له كم نفر ولو ان ريحتهم عطنه بس التجاره يبيلها صبر ويطلع منهم كم قرش لكن مش هذا المشروع الي ابي اقوله لانه مكرر المشروع انك تسوي لك دعاية في المنتديات انك دليل منطقتك شلون مثلا انت بالرياض تكتب لك اعلان بالمنتديات دليلكم في الرياض يرحب بكم مثلا نقوم باطلاعكم على اهم معالم الرياض واهم اسواقها واسواق الجملة فيها وووووو بحيث ان اللي يبي يجي الرياض يتصل عليك وطبعا تكون مرتب السيارة وتكون انسان محترم ترا من جد كل ماكان الانسان محترم وخلى عنه السخافات كل مازادو زباينه وخاصة الحريم وبقولكم شي هالمشروع مش عشان السعوديين لا عشان الي يجون السعوديه هم اكثر ناس راح يتصلون عليك مثلا الكويتيين الاماراتيين والقطرييين وكل مشوار برسومه واضربها دبل ولاتخاف راح يتمسكون فيك لان يبون احد يدلهم الاماكن اهم شي يبان عليك انك انسان جاد وتخاف الله ومحترم عشان يتناقلون ريقمك عند الاقارب على فكره المشروع هذا مجرب انا جربته وانا بنت وجاني طلبات بس ماعندي سيارة غير سيارة زوجي يوم درا عني هذا اللي صار غير كذا سولك اعلان انك توصل الحلا والفطاير من اي مخبز لاي منزل حسب الطلب والله ان الناس مبتلشين بلشه خاصه اذا بغو حلا وفطاير بيجونهم ناس وعيالهم مب راضيين يجيبون والي ماعنده احد صدقني الكل بيحفظ رقمك للعوزه المشروع الثاني : للي ماعندهم غير نت يطقطقون عليه روح لمنتديات العقار وشوف العروض والطلبات مثلا احديقول ابي فيلا بالسويدي او بالعليا طبعا حسب منطقتك وكونك رجل تلقاك ممتر الشوارع ان كان لقيت عرضه فممتاز وغالبا ماتحصل العروض امافي النت ووالله احيان نفس المنتدى ونفس الصفحه الاقي واحديطلب والثاني يعرض ومايدرون عن بعض وانابس اوفق بينهم ويابخت من وفق بيتين بالحلال هههههههه واخذ المقسوم والا احيان بتحصل فلل للبيع معروض عليها اللوحه تقدر تتصل اول شي على اللي حاط رقمه وتتفق وياه انك بتجيب له شاري طبعا بالسعي وكثثثييييييييييير تضبط معك لاتخاف بس هي ارزاق ناس من اول مره تطلع معهم مئات الالوف وناس بس السعي البسيط وترا سبحان الله ماتدري وين رزقك انا من كبر راسي رحت لقيت لي ارض على طريق الملك عبدالله عشان بس تدرون اني منيب هينه ههههههههههههه وسويت لها اعلان لكن في ككل المنتديات وتخيلوا عقب 6 شهور جا المشتري وطرت من الفرحه طبعا سعيي بيطلع شي بس المشكله يوم اتصلت لقيتها انباعت عشان تدرون انها ارزاق المشروع الثالث: السوق المتنقل يعني تاخذ لك فان وهذا مشروع قديم وتعبيه من كل شي ملابس واكسسوارات وغيره وتنطلق في رحله الى القرى المجاوره والدين ممنوع والله يافيها ارزاق حسب الديره اللي بتروح لها وكل شي خذه بالجمله والي مايعرف اسواق الجمله بالرياض انا اساعده بالمقابل الحريم لهم نفس الفكره بس بدل السيارة يسمونها تجارة الشنطه تعبي لها شنطة سفر وش كبرها من كل شي وتخلي الشغاله هي اللي تعرض طبعا مثلا تخلي فيها فساتين سهره وفساتين كاجوال خاصه الكوريه كونها رخيصه وتعرضها بالاول على النت والي يبي يتفرج ترسل الشغاله للعنوان وكل شي عليه سعره المشروع الرابع: للي لغتهم ممتازه بالانجليزي ابشروا بربح لايقل عن 500 في اليوم واضربوا 500 *30يعني 15000 في الشهر وانت جالس شلون؟؟؟ اقولكم من خلال معاناة تعبئة الابلكيشن الخاص بالسفارات تخيلوا يوم جينانعبيها ماتعبت معانا فرحنا لمكتب عباها لنا ب700 وهي بس انا وزوجي وطفلين لا وهذا ارخص مالقينا وزحمه الناس عنده ويجلس يعبي ماشاء الله عليه انا احسب بس اذا احنا بس 700 وانا عائلة صغيره والصف الي ورانا كم بياخذ عليهم يعني كم يطلع باليوم ماشاء الله مب هنا المشكله المشكله اني تمنيته سعودي عشان اقول هني على قلبك البلا انه يماني فاللي لغته زينه يسوي هالحركه وبيلقى الناس عليه كب بس اهم شي يستاجر مكتب صغير واكيد يحتاج كمبيوتر ونت وخبره بالموضع كبدايه ثم خلاص تمشي احواله مضبوط لي عوده انشاء الله اكملكم باقي المشاريع اذا اعجبتكم هالمشاريع ادعولي بالتوفيق بالدنيا والاخره