كيف حالكم ان شاالله تمام

انا اليوم بقولكم قصه ما قريتها في صحيفه ولا كتاب لا هذه
القصه حصلة مع اخي

بختصر عن القسمه والنصيب وان الحياه ماهي مستاهله انك تزعل يعني على ما يقولون الشيبان(كلن يموت اوحاجته ما قضاها)

كان لي اخ اكبر مني جلس ما حصل على وظيفة لمدت 8سنوات

تخرج من الثانوية

ثم درس سنتين في كلية المجتمع او مامشى فيها بعدين سحب ملفه وفصل


وجلس سنه عاطل


بعدها قال تدري ابي ادرس حاسب في معهد على حسابي
وفعلن درس سنتين برمجه وتخرج منها مبرمج قد
الدنياهههههههه



المهم قدم ثم قدم اوبعد قدم او مانفع
وجلس سنه عطالي بطالي



طبعا حنا في محافظة اوتم افتتاح كلية التقنية عندنا وجلس عنت شيبان الحاره اوشارو عليه قالووله والله الكلية التقنية لها مستقبل واكيد ما فتحوها هنا الى اوفيه احتيااج



قال يرجال والله تمام ابي اسجل في الكلية التقنية
اوفعلا قدم عليها واقبلتة قسم حاسب الي تخصص دعم فني





وعدت السنتين بسلام ولله الحمد




اوتخرج مساعد مهندس (دعم فني ) قد الدنياااا هههههههههههههههههه




طبعا نسيت لا اقول لكم قبل كل هذا اخي طوله 165 او مافيه ولا عسكريه الى وقدم عليها لاكن ما حصل نصيب وسبب الرفض الطــــــــــــــــــــــــــــــــــــــول





المهم وجلس سنه بعد تخرجه من الكيله التقنية




او يوووم من الايااام راح لسوووق يبغي يتقضي للعيد ويلقى واحد قديم من اخوياه يمكن اخر مره التقى فيه قبل 3سنوات في مقهى





وازيدكم من الشعر بيت مهي بذيك الخوه يعني معرفت وجه



المهم سأل الرجال اخي: ما لقيت وظيفة



قال اخي:لا والله ما حصل نصيب



قال الرجال:اسمع فيه رفع لفات عندنا جب ملفك وان شاالله تكون من نصيبك



قال اخي: الله يسعدك ابشر الحين اجيب الملف



المهم جاب لرجال الملف ورفعهن والرزق على الله



بعدها بشهر كنت جالس عند باب البيت ويجي رجال بسيارته ويوقف عندي
قال

الرجال:مرحبا

انا:هلا حيااك

الرجال:هذا بيت فلان

انا:قلت وصلت

الرجال:وينه


انا:مووجوود( نايم )


الرجال:قله يراجعنا بكره الصبح في الاداره


انا:وقلت بكامل صوتي


ابـــــــــــــــــــــــــــــــــــــــــــشر بسعـــــــــــدكـ


(لان السياره الي جى الرجال فيها حكومية)


المهم وفي الصباح راح اخوي يمشي (200) الى الاداره


قالهم السلام


الاداره:حياك


انتم طابيني امس


الاداره:انت فلان


اي نعم انا


الاداره:مبرووووكـ تم قبولك وترووح الى الرياض وتكمل اوراقك


(ما شاالله تبارك الله - الله يرزقه ويرزق جميع المسلمين)


وفعلا را ح اخي الى الرياض وكمل اوراقه والحين هو فني اتصالات قد الدنيا



فوائد هذه القصه:

1- ان لاحياه مع الياس ولا ياس مع الحياه


2- ان الخيره في ماختاره الله


3-الرضاء بالقدر يعني لازم ترضا بلي كتبه لك ربك عز وجل وتترك عنك فلان وعلان


4-ان اي شهاده تاخذها اذا مانفعة ما تضرك وتفيدك بدل منت عاطل


5-ان الحياه جميلة


هذا وفي الختام اتمنى اني قدمت لكم ما هو مفيد ونافع بأذن الله تعالى


وعذروني على القصور




في امان الله ورعايته