المشروع هذا قعدت ادرسه اكثر من شهر وراسلت المصنع اللي بمصر وعطوني كامل المعلومات
ولقيت الربح سهل لكن ماتذوقه الا بعد ماتصرف البضاعة وهنا المشكلة ... التسويق

سالت اهل المحلات قالوا حنا يجينا مندوبين عدة سيارات توقف هنا ونشتري منهم وحسب مافهمته منهم انهم ياخذون الكيلو بـ 3 ريال تقريبا كرتون عشرين كيلو بـ 65 ريال

يعني حتى تنافس وتطلع بمكسب يبيلك تسويق ممتاز ومستمر

حسبتها طلع مربحي 20 الف ريال اذا طلعت الف كيلو وبعتها يعني مربحك بالكيلو 20 ريال

قلت حلو لكن جاني قريب لي وقال لي طيب صرف الف كيلو بالاول ياحلو وبعدين بيجيك المكسب

هنا توقفت وقلت والله الف كيلو يبيلها 50 محل وهالخمسين مابتحتاج الا بعد كل كم شهر يعني يبيلي اقل شئ 300 محل اتقاول معها حتى اضمن اني اصرف عليهم طول السنة


المشكلة كانت في التسويق ووجود المنافسين بكثرة من المندوبين والشغلة يبيلها صبر ومكافحة حتى تكسب زبائن وممكن بسهولة واحد ياخذهم منك او يجيه واحد ويكون وقتها محتاج فعلى طول ياخذ منه ولاينتظرك بحكم انها ماتفرق معاه

ولكن اذا عزمت فتوكل على الله والرزق بيجيك وربك بيسخرهم لك