[align=center]
أخوي ..
قريت الموضوع أمس وضاق صدري ..
وأنا أقراه ما في يدي شيء إلا إني أدعي لك وكل مسلم ..
ما حبيت أرد بـ رد تقليدي
لأن الوضع أكبر وأعمق ..
وما في يدي شيء ممكن أقدمه لك لحظتها ..
ودخلت اليوم
ورجعت وقريته
وحبيت أقول لك شيء واحد بس ..
وتأكد أنا ما أعلمك .. أنا أذكرك بس
كل ليله .. أفرش سجادتك وصل لربي ركعتين .. وأفتح المصحف وأقرا منه وإنت تصلي
إقرا في كل ركعه وجه .. أول الوقت إذا إنت مو من اللي يفتح القرآن ويصلي منه بتحس الوضع ثقييييل عليك لكن إذا كنت مجرب لذّة الصلاة هذي أنا متأكده إنك بتفهم كلامي ..
صل ركعتين .. ثم ركعتين .. بيزيد إحساسك وقربك من رب العالمين .. وفي سجودك كثر من الدعاء
وربك كريييييم .. أكرم من إنه يردك ..
ولا عاد تفكر بالخلق .. آمن إن الرزق عند الله .. ومن الله .. و الخلق مجرد أسباب
كثر من دعاء : اللهم أسخر لي ملائكة السماء وصلاّح الأرض ..
اللهم أسخر لي جند من جندك ..
وكثر من الأستغفار ليل ونهار .. وكل وقت ..
وربي بيفرجها .. بلحظه
وربك كرييييم ورحمته واسعه ..
وإذا أمك تحن عليك مره .. وترحمك مره .. ربي يحن عليك ويرحمك أضعااااااف .. وله المثل الأعلى ..
ربي سبحانه يقول : " أدعوني أستجب لكم" ..
والله يفتحها في وجهك ويعظم أجرك .. ويشفيك ويرفع عنك ..
ما شاء الله أنت في خير عظييييم .. بس أحتسب الأجر ..
وأنا مؤمنه إنها بتفرج لك قريب ..
/
أعذرني ع الإطاله ..
[/align]