السلام عليكم، ابدأ من آخر جملة كتبت هنا بواسطة الاخ زياد
الشركة الرئيسية مباشرة؟
وش اسمها الشركة هذي؟ خليني امزح معاك لايكون اسمها هيئة سوق العملات؟؟

الحاصل:
نصيحتي لك ولكل الاخوان، تجارة العملات ممتازة جداً لكن لأهلها مو للشخص اللي سال لعابه وشاف ميةي ارباح حساب تجريبي بعد ما اشتغل عليه اسبوع وشاف مبلغ مية الف صار مية وخمسين!!
اللي يبغى يشتغل بالعملات او الفوركس لازم اول شي يتعلم يومياً يجلس من بعد الساعه 12 الليل الا الساعه 3 يضبط له براد شاي وكيلو مكسرات ويفتح حساب تجريبي وقبل ما يفكر يفتح عقد (بيع - شراء) يقرأ لمدة نصف ساعه جميع الاخبار العالمية الاقتصادية ويشوف الاخبار الخاصة تحديداً عن الزلازل والعواصف والكوارث الطبيعية والاظط الاطض الإضطرابات (ماعرف يكتبها السياسية وبعديييييييييييييييييين يفتح الحساب ويشوف زوج واحد رمزه XAU\USD وينسى ازواج العملات الباقية كلها عشان لايجيه صداع.
وعلى ضوء الاخبار اللي تابعها يقدر يحكم كم كان السعر الاسبوع اللي راح ويقدر بموجب الرسوم البيانية الموجودة قدامه بالشاشة السعر اللي ممكن يتوجه له واهم شي لا يطمع يعني بصراحه ياشباب 3نقاط في اليوم تكفي...
ممكن تجي النقاط الثلاث قبل الساعه 3 ويتقفل العقد آلياً لأنك ادخلت امر البيع او الشراء المشروط (اذا وصل السعر كذا وكذا قفل العقد)..

وإذا ماوصل للسعر المطلوب قبل 3 او 4 كحد أقصى ممكن تحط أمر وقف خسارة بموجب اقصى حد ممكن تتحمله والتقديرات اللي ممكن يوصلها مؤشر فيبوناتشي.

وترجع الساعه 12 ظهراً كحد أقصى ضروري تلقى العقد تقفل إما بربح او خسارة.


اعتذر لكم صح طولت عليكم بالكلام لكن نصيحتي وأرجو من الكل ينتبه لها :
لا تبدأ بمبلغ أقل من 20 ألف دولار.
لا تبدأ وانت ما تقدر تعطي توصيات لنفسك (قراءة الاخبار الاقتصادية من مواقع اجنبيه وليست عربية) و(قراءة المؤشرات الفنية مثل مؤشر فيبوناتشي وحساب معدل التدفق المالي).
لا تجيب لنفسك الهم والغم وتقول دولار ين يورو باوند فرنك
XAU وبس.

وفوق هذا كله
القناعة كنز لايفنى
شئ ماتقدر عليه لاتورط نفسك فيه.
ودمتم سالمين