دقيت على الجوازات الثلاثاء قلت له سالفتي الظاهر الي رد علي العقيد العوشن لاني ماراح انسى صوت هذا الرجل على مدى ثلاث سنوات وأنا بكل تقديم يجلس يشرح لنا طريقة الإختبار التحريري ههههه

المهم قال انت مو حريص وإلا كان أول مادقوا عليك الزملاء رحت وشفت ايش النظام وايش هن النواقص الي عليك قلت له مو بيدي وعدت له الإسطوانة ابوي تعباااااااااااااااااان يارجال اخلي ابوي لحاله وأبلش بالمستشفى الغبي هذا رغم اني رحت عندهم مرتي وردني حارس الأمن الي عند الباب الدب قال اسمك مو معي بالورقة قلت انا وش دخلني يصير معك بالورقة او مو معك انتم داقين على الجوازات تقولون فلان الفلاني عنده نواقص رغم اني مخلص من عندكم وقال لي الممرض اني سليم ولائق للخدمة العسكرية يوم الإثنين الساعة واحده الظهر تروح المعهد
المهم مارحت انا يوم الإثنين دق علي واحد يوم الأربعاء قال السبت تراجع المستشفى عندك نواقص من ذاك اليوم وأنا موجعني راسي هذاك اليوم يقولون لائق والحين يقول عندك نواقص!!!!!!!!!

اخر الكلام ماأراد الله لي ادخل الجوازات والله يوفقكم والله الله بالصبر وخدمة الوطن

عاد مو لاجيت اسافر الاقي وجيه عابسه وتكد عليك الله الله بالإبتسامة ههههههه واي واحد اشوفه بكاونتر بقول له انت سبق وكنت بمنتدى البطاله ولا لا ياغريب الحب الله يفتح عليك ويوفقك ويعينك قول آمين

سلام ياأصحاب وخبرونا ايش صار معكم بعد الإستجداد

والسلام عليكم ورحمة الله وبركاته