يا الله يارحمن يا عالم الغيب
ياللي عليك المشتكاء والمذلة
تساعد الليل شب في راسة الشيب
يبغي المباحث لكن الحظ علة
امسيت ارقب مثل مايرقب الذيب
هذي العطالة لعنبوها مملة
حرمت مالبس غترتي وادهن الطيب
حرمت ماشرب ياعلي كل دلة
حتى اتوظف واشتري موتراً جيب
وابخطف المزيون لو من محله 
يامرحبا مليون عدة تراحيب
باللي يجر الصوت مما حصلة
يالشاعر اللي جر صوتة كما الذيب
يشكي البطالة والوظايف مقلة
اصبر ترى الصابر معة عالم الغيب
لابد ماتلقى طريق وتدلة
اسمع نصيحة من محب المواجيب
احزم حزام الصبر والوقت فلة
لاتطوي الصفحة بياس وتناحيب
رزقك على اللي يرزق الخلق كلة
د. قحص الروقي