ياشباب انا ودي اقدم في الحرس الوطني قدم يالغالي ووكل امرك لله..
لكن كثير من الناس قالو لي انحش عن الحرس كلهم دشير وحقين بلاوي
وش رايكم لا يالغالي انت عميت الكل الحين اول شي الحين انت حطيت شي في ذمتك ولايحوز لك هالشي وثاني شي يالغالي اخوك وهو اخوك ماهو مثلك من طبع وصفات وشخصيه كيف تحكم على اكثر من 50000 الى 70000 عسكري واذا انت خايف من هالشي ومقتنع ياخي لاتتعرف على احد في دوامك وخلي علاقتك بأخوياك بس عمل بس ياليت يالغالي تشيل هالفكره من راسك ولاتسمع كلام الناس والخير يخص والشر يعم والواحد ماينفعه الحين الا وظيفته وماله مو كلام الناس اللي لايودي ولايجيب.
انا معي ثانوي وشهادة حاسب 6 شهور وش يعطوني رتبه ووين التتعين (ابي الرياض) يعطونك ياجندي او جندي اول ومن ناحية التعيين على حسب الشواغر بس اكثر شي يكون تعيينك في الرياض .
وكيف الدوام وهل اقدر انقل قسم ثاني مثل الشرطة العسكريه الدوام تعتمد على سريتك وايه تقدر تنقل من قسم لقسم اذا لقيت لك دقيش في نفس رتبتك وتخصصك
وهل شهادة الحاسب عندهم يعتمدونها من جميع المعاهد المعتمدة ولا يتشرطون يالغالي شهادة الحاسب في كل الدوائر الحكوميه مو معتمده الا اذا هي معتمده من المؤسسه ومصدقه

عطوني معلومات تكفون والله يوفقكم بدون تكفون والله ان شاء الله ماحد بيقصر بمعلوماته وتقبل الله دعواتك