المشاركة الأصلية كتبت بواسطة مسكوية

بارك الله فيكم اخي
وكما قال رسول الله ما اكل امرئ خير من عمل يده او كما قال صلى الله عليه وسلم
بل ان الانبياء وهم خير الخلق كانوا يعملون بانفسهم فمنهم الخياط والنجار وراعي الغنم
وارى ان الدخول في مثل هذه الاعمال هي بداية الخير وانفتاح الرزق على من يطلبه
منها ياخذ خبره ويعرف سوق العمل ويجمع له عمال ممتازين يجيدون الشغله لاجل اذا بدأ شغله الخاص ينجح ولا يتعثر مثل الحاصل الان
وبمناسبة الصباغة اذكر لكم قصة حصلت معي
كانت بوية بيتي قديمة وكلمت صديقة لي وهي شامية عن الموضوع قالت لي ليش ما تصبغينها
انا تعجبت وكنت اظن انها عمل جبار ما يجيده الا اشداء الرجال قالت لي
البوية ما فيه اسهل منها سطل بويه ورول واضربي الجدار يطلع جديد !!
دخلت الفكره في راسي وقلت بسم الله
رحت محلات البوية شفت ان الاسعار الملون ما تفرق عن الابيض اللي كنت ناوية استخدمها
قلت ليش ما ابدع ما دام اني دافعه
اشتريت الوان مختلفه ودرجات وبديت الشغل
وبما ان البيت بيتي والحلال حلالي بديت ابدع على كيف كيفي واحط زخارف واشكال
والله طلعت البويه جميلة جدا وكل من شافها مهو مصدق انه انا اللي ضاربتها
الطريف في الموضوع اني ما كنت ناويه اصبغ المجلس لانه كان نظيف
لكن في الاخير يوم انتهيت من صباغة البيت ظهر المجلس قديم مرة فقررت اني اصبغه ولا كان باقي من البويه الا قليل قمت وخلطتها مع بعض وبديت الشغل وفي بالي اذا ما طلعت حلوة اصبغه من جديد
بالعافيه كفت البويه وصارت كانها ملطخه يوم شافوها اخواني قالوا ماشاء الله كيف عتقتيها !!!؟
وعرفت يومها ان التعتيق تلطيخ وكسب دراهم بس!

والله يا اخوان البويه عملها من اسهل ما يكون وفيها كسب مهوب هين
بيت اخوي جدد بويته وسوى شوي تعتيق كلفه اكثر من سبعة الاف
لكن الخبرة والدخول في مجال العمل قبل افتتاح اي مشروع اعتبره ركيزة مهمة للنجاح

احسنت


وبالتوفيق لكم جميعا