ابشركم وصلوآ عندنا مندوب التعداد
طبعاً
نظامنآ اننا نتغدآ بعد صلاه العصر ..
أول ما حطوآ أهلي الكبسـه على السفره الا الجرس يدق ..
والوالده الله يحفظها قم قم
هذولي التعداد < متحمسه الله يحفظها .. قلت واذا التعداد ما عليه منه بقوله تعال بعد شوي بتغدآ جويع
قالت اها بس اركد قلطه وبجيب القهوه
افتح الباب الا رجال .. عند الباب طبعاً عرفته على طول انه التعداد لأنه رسمي طاق الشماغ والرسم ومشخص الكوبرآ
ما شاء الله الله لا يضره وسيم
الله يخلف على خشتي المشهبه
تفضل يا فلان قال ابدن قلت يا رجال تعال بس والله لو ما تدخل أن انجلد من الوالده شابتن علي .. اول ما دق الباب قالت هذا التعداد قلطه
ويضحك ويخش
واقلطه في الملحق ..
وخذآ مني كل المعلومات ..
شوي قام .. قلت الغداء بيجي اقعد بس < والله من النصب
اساساً طلعت الكلمه لا شعورياً
حتى هو قال وش يبي ذا
قال لا الله يكثر خيرك ماله داعي .. قلت الله يحييك في اي وقت < كيف الحال بس
قال الا بسألك جيرانكم ورآهم ما يفتحون الباب
قلت جيرآنا من سكنوآ ما شفتهم الا مره بالغلط .. حتى اللي طلع بزر
يوم شاف خشتي سكر الباب
قال ما بقى الا هم ومأخريني قلت اسحب عليهم .. الظاهر انهم بدون بعد
قال لازم نعدهم .. قال ودي ادف الورقه من تحت الباب واحط رقم جوالي بس المشكله مطر < هو وده يقولي خذ الورقه وعطها جارك
بس انا ناشب له ومستغبي
قلت مالك الا امام المسجد < نشبته
وطلع من عندي الرجال مبسوط + متقهوي ما بقى الا شوي نتغدآ ويجون الشباب ونطقها بلوت بس لو انه عزم بس
وسلامتكم
ملاحظه :
بعد هذا الحديث الطويل رجعت اتغدى قولوآ ما شاء الله ترى وقتها كنت جوعان