بسم الله الرحمن الرحيم

السلام عليكم ياشباب
أنا راح أحكي لكم قصتي مع التقديم لوظيفة التعليم لهذي السنه
أولا أنا طالب متخرج من جامعة الملك عبدالعزيز قسم إدارة أعمال - نظم معلومات إداريه
وأنا قدمت لوظيفة التعليم موعبط ولاغباء مني قدمت لإنه طالبين هذا القسم في الوظائف التعليميه

المهم سجلت في النت على الوظائف التعليميه وسويت كل شي
حتى اختبار القياس للمعلمين سجلت فيه وأختبرت والحمدلله أجتزت النسبه المطلوبه

وبعد اختبار القياس بكم اسبوع نزلت على موقع الوزاره أسامي المرشحين للمقابله الشخصيه وكان اسمي موجود من الاسامي المرشحه

وبعد كم يوم نزلت مواعيد الاختبار للمقابله الشخصيه
وكان اختباري يوم الاحد الساعه 3 ظهراً

المهم والله ياشباب ماتدرو قد ايه كنت متحمس للمقابله وكنت ابحث في النت عن طريقة المقابله وبحثت عن الاسئله التي ممكن تواجهك في المقابله
يعني ماخليت شي الا وسويته
والله قعد 3 ايام وانا اجهز نفسي للمقابله

(يوم المقابله)
الساعه 3إلا ربع وانا عندهم
وتخيلو الساعه 3 دوبهم حقين الساعه 1 ينادو عليهم
بس تخيلو لو كان العكس انه انا اللي اتاخرت عن المقابله ايش راح يسير ؟؟

المهم الساعه 4ونص جاء وقت التحقق من الاوراق عشان يرسلوك تسوي المقابله
واخذو الاوراق وتحققو منها وكنت انتظر عشان ينادو على اسمي ويقولولي فلان بن فلان روح مجموعة ؟؟ قاعه ؟؟
وانتظرت حوالي نص ساعه
بعدين جاء وقت الفرج ونطق بإسمي
ولكن حصلت الصدمه
ناداني وقال تعال يافلان وقال قسمك غير مطلوب عندنا
أن على طول أنصدمت
وقلت لا كيف مو مطلوب روح راجع كتيب الوزاره قال لا مافي
المهم اصريت انه موجود
وتخيلو ذهب خلف الموظفين عشان يتاكد من صحة الكلام وفتح الكتيب وأتاكد انه قسمي مطلوب

وذهب الى الموظف الحاسب عشان يناقش معاه الامر
وصراحه ماادري ايش سار بينهم من حوار
المهم رجع وقال لي قسم ادارة اعمال نظم معلومات اداريه الوزاره ماتبغاه

قلتلو كيف ماتبغاه والقسم من الاقسام المطلوبه والموجوده في الكتيب
قال انا دوبي اتصلت على الوزاره وقالو انهم مايبغو

وصدقوني ماشفت انه اتصل ولاشفت جواله

وهذا كل اللي سار
وصدقوني أنا اللين دحين متحطم وكل ماتذكر هذا الشخص أقعد أدعي عليه
الشخص هذا هو المشرف على المقابلات الشخصيه
أنا ماراح أحط أسمه عشان شي واحد بس
أنه ربي راح يعوضني وياخذلي حقي

بس عندي كم سؤال ونفسي اعرف جوابها
س1/ إذا كان القسم غير مطلوب كيف انقبلت في البدايه واعطوني موعد للمقابله الشخصيه؟
س2/ليه خلتوني اختبر قياس وإنتم عارفين انه الاختبار بـ200 ريال؟
س3/ كيف سمحت الوزاره بشخص يكون مشرف ولا يعلم شي عن المتطلبات أو الاقسام اللي مطلوبه؟
س4/خلاااص حرقتولي قلبي؟


ملاحظه:
1-الاختبار كان يوم الأحد من اول اسبوع في الاختبارات المقابله
وكان في مدينة جده
2-انا ليس الوحيد إللي سار لهم نفس الشي
3-القصه كانت لي وحقيقيه والله شاهد على كل كلمه قولتها
4- هناك أشياء لم أذكرها من قبل المشرف والموظفين اللي متواجدين هناك وقد تركتها لوجه الله


وأخيراً
لا أقول غير حسبنا الله ونعم الوكيل
والله يكتب لنا ولكم كل خير يااارب
وأسفه على الإطاله