اول شي هد أعصابك وخذ لك كبايت ليمون >>> يووو نسيت انه صياام 
بـ الفعل شي يقهر ان الاجانب اخذين حقهم وحق المواطنين ..
لكن اخوي انا بختلف معاك ومع الاخوان اللي قبل كلهم ,,
بالنسبه للقطاع الخاص ,, القطاع الخاص يبي ناس تشتغل وصدقني مايهمه سعودي او اجنبي لكنه يفضل الاجنبي على السعودي لسبب وهو اهم سبب وهو اللي خلا الاجانب اللي ذكرتهم يوصلون بالرواتب الى اعلى المستويات والسبب هو ان الاجنبي يكرف ليل نهار ويشتغل كأن الشركه اللي شغال فيها شركته وبهذا الشي يلفت نظر اصحاب الشركه عليه وتصير العين عليه بحيث مايخسرونه واللي يبيه يلبونه له ..!!
وخلني اذكر لك مثل لسعوديين وصلوا مثل اللي ذكرت ..
هذا واحد قريب لي واعرفه من قرب ..
اخذ الثانويه العامه وماراح لا لجامعه ولاغيره , اشتغل بالقطاع الخاص ,
وفتره من الفترات كان متوظف بــ 3 وظايف والرجل شغيل , مع العلم ان ابوه معليه مريش ومعطيه الله ,,
لكن لو اقول لك شي ماتصدق , هذا الرجل ما أخذ من ابوه ولا ريال وقوم نفسه بنفسه ..!
الموووهم ,,,
مرت السنين والان الرجل ماسك منصب مدير العلاقات الحكوميه بشركه كبيره ,,
وما أكتفى بكذا بس ,, الرجل ما معه الى ثانويه
قبل سنه تقريباً كلم صاحب الشركه وقال له هذي استقالتي ومع السلامه !!
جلس يترجاه صاحب الشركه ليه ووش السبب اللي يخليك بتطلع !!
قال لي معاكم فتره ولا اهلتوني ولا شي وانا مامعي الى ثانويه , قاله صاحب الشركه بس !!
وين تبي بس امر معاك من 3 شهور الى سنتين ؟؟!!
الموهم الرجال الان ببريطانيا يأخذ لغه ودورات بالعلاقات الحكوميه !!!
نسيت اقول لكم ان الرجال راتبه يمشي ورايح على حساب الشركه لمدة سنه ..!
وغيرهم كثير من السعوديين اللي اعرفهم قد مايعطي صاحب القطاع الخاص قد ما اعطاه ..
وصدقوني ياشباب اكل العنب حبه حبه ...!!
ممكن اتوظف بالبدايه براتب ظئيل لكن اجتهد واكافح لين اوصل اللي ابيه بعدين ,,
وياشبااااب والله الاجانب انهم ما وصلو بديرتنا مواصيل الى لأنهم يكرفووون كررررف
وهو اصلاً متغرب عشان كذا ..!!!
الحياه بأختصار .....
تسوي شي تلقى شي ,, ماتسوي شي ماتلقى شي :o
اتمنى انكم تنظرون كلامي بعين العقل لا بعين العاطفه !!
.
.
.
,,
تقبل وجهة نظري صاحب الموضوع ,,
لك كل الشكر ,,
ودمتم موفقين