اول ماينزل راتبك خذ منه كم ريال تصدق بها عشان ربي يبارك لك فيه ولو تسويها كل اسبوع احسن مانقص من مال من صدقه
ثاني شي افتح حساب ادخار في حال انك لسه ماتزوجت هالشي يساعدك كثير لان احتياجاتك تكون اقل بكثير
فرضا راتبك 8 الاف خذ منها اربعه كل شهر وحوله لاحساب ادخار والباقي يكفيك ويزيد
من فواتير الى مستلزماتك الشخصيه السياره الصرفيات تكفيك وبيبقى منها بعد واي مبلغ يبقى اذا نزل الراتب الي بعده لاتصرفه حوله لاحساب الادخار
بتقول هذي بخيله صح
بس مو بخل صدقني في خلال سنه بتلقى نفسك جمعت مبلغ اكثر من الممتاز يمكن تسوي فيه اي مشروع يدخل عليك فلوس بالاضافه لوظيفتك وحلو شهر تمسك نفسك وشهر تصرف وتدلع نفسك
في حال انك متزوج طبعا الراتب بيروح 3\4 اجار + فواتير + مقاضي ومخاسير بالاضافه لمستلزماتكم اليوميه
لكن تقدر تدخر كل شهر الفين وتنساها الين تجمع مبلغ معين يساعدك تستثمره
حلو انك تحط لنفسك حد كل شهر ماتتجاوزه الى في الضروره القصوى