[QUOTE=الصاطوررر;2535213]الله يعطيك الف عافية يا اخ مهندس كيماوي على موضوعك اسأل الله العلي القدير ان يحقق لك مرادك ( ان شاء الله )

طبعا وزارة الدفاع و الطيران تستحق ان يكون لها موضوع مستقل يهتم بكل ما هو مهم بالنسبة لمراحل القبول
كما هو الحال لكلية الملك فهد الامنية

اتمنى من الاخوان الاعضاء الاهتمام بالموضوع

طبعا في مشاركة للاخ ملازم اول صيدلي ( الله يعطيه العافية ويجزاه خير ) في موضوع الدورة 40 لكلية الملك فهد الامنية بخصوص الكشف الطبي لوزارة الدفاع والطيران وحبيت انقل مشاركته لهذا الموضوع حتى يستفيد الجميع

اقتباس:

وعليكم السلام ورحمة الله وبركاته بالنسبه لوزارة الدفاع بالنسبه للجامعيين امورهم مره سهله يفتح التقديم عن طريق النت و تعبي البيانات<<<<< اذا قبلوك يطلع لك الدفتر و تعبيه و يعطونكم اسبوعين تعبون الدفتر و تجيبونه<<< بالتفصيل الممل اللي يوديه يوم السبت يعطونه موعد للكشف صباح الاحد <<<بالنسبه للكشف بالترتيب 1-تدخل على دكتور العيون اذا كنت تلبس نظارة و لا ما تلبس عادي <<يخليك تحط خشتك بجهاز النظر بعدين يخليك تشوف اللوحه حقت الحروف و بعدين حق عمى الالوان ورقه وحده يوريك و كلها سهله 2- تدخل على دكتور الجراحه واذا كان ابن حلال ما يخليك تفسخ سروال اما اذا كان غير كذا يقولك نزل سروالك ويشوف مسوي عمليات شي 3- تدخل على دختور العظام و يقلب بعظامك و يشوف العمود الفقري و رجولك و علوم مالها داعي 4- تدخل على دكتور الانف والاذن والحنجره و مايسوي شي بس يقولك وش اسمك اتكلم <<<يبي يتاكد عندك لحميه 5- الطول والوزن 6- الاسنان <<<يشوف سنونك و اذا فيها شي خربان يقول سويه 7- دكتور الباطنه <<<يقول نام على السرير و يطبل ببطنك هع 8- دكتور النفسيه <<<يقولك عد من 25 الى 1 9- النتيجه<<<<اذا عديت الكشف قالوا روح المقابله الشخصيه اذا ما عديت يقول اقضب الباب 10- المقابله الشخصيه <<<حسب التخصص >>بعد ما تطلع تنتظر النتايج تطلع بالنت و الجرايد بعد ما تطلع النتايج <<<اتذكر طلعت برمضان تجي تسوي تحليل الدم والبول <<وانتوا بكرامه و اليوم اللي بعده تطلع النتايج و تسلم الاوراق الاصليه.... اتمنى اني افدتكم بخصوص وزارة الدفاع و اتمنى لكم التوفيق ملازم اول صيدلي [/QUOTE] اتمنى من المشرفين تثبيت الموضوع مع تمنياتي للجميع بالتوفيق ان شاء الله

الحمد لله الله يبشرك بالخير من ناحية موضوع النظر انو يسمح بدخول النظارة