قالت بدو
وصدت وقالتها بقرف
بنت الاكابر والترف
متكبره متعاليه
يعني بدو يقعد طرف..
قالت بدو..
والمعنى دون المستوى .. ماحنا وياها سوى.. احنا بنظرها من نكون؟ ريشه يطيرها الهوى..
قالت بدو..
متصورتني باستحي .... واترك مكاني وانتحي..... وتفاجأت وتغيرت وتلعثمت ما تدري اني بافتخر .. ولي الفخر..
حـــــــــــــــنا بـــــــــدو ؟؟
حنا عمى عين العدو
حنا البداوه وضعنا واهل الوفا هم ربعنا
حنا نتفاخر بأصلنا يابنت هذا طبعنا
ماهي بداوة تلفزيون ولامسلسل اردني
حنـــــــــــا بـــــــــدو
حنا بداوتنا الاصل
بالقمة حنا مو اقل
حنا معاني ساميه نروي السيوف الضاميه
نرد المنايا ما نهاب لوهي سعاير حاميه
حنــــــــــــا بـــــــدو
حنا البداوه عيدنا ماناكل إلا صيدنا
مانعيش عاله مجتمع
نموت. ما نمد ايدنا
حنـــــــــــــا بــــدو
حنا البداوه بدمنا
مانسمي احد عمنا
حتى ولو منهو يكون
لو زعل ماهمنا
حنــا بـــــــــــــدو
حنا البداوه اصلنا وفصلنا
حنا بدو متماسكين وهذي نتيجة وصلنا
يابنت ياللي تضحكين قلتي : ابدوي تستهزئين؟.
غرج لباسك الاجنبي والمشكله ما تعرفين .
تبغين هالكلمه طرب..صارت نشب... ياانسه....ياعانسه... ياضايعه ومستانسه
يا تارسه وجهك صبغ
ياتارسه عينج شدو
حنـــــــــــا بــــــــدو
ولو كان قلتيها بقرف لنا الشرف..
حنـــــــــــــــــا بدو
كلمه بدو تعني التمسك بالجذور
ماهو التخلف والجهل
ولا بعد حب الظهور
ولا التنكر لأهل كلمـــــــــــــــــة بــــــــــدو
تعـــــــــــني الشمـــــــــم
فــــــــعل وكــــــــــــــــرم
مبـــــــــــــــدأ حضــــــارات الامم
حــــــــــــــــــنا القمـــــــــــــــــــم
نـــــار على راس العــــــــــلم
يشهـــــــد لنا السـيف والقلم
إن كـــــــــان ماعنــــدك خبر
حنا البدو