هلا بكم كل بوكم
اولا :احب ابارك للمقبولين بالمرحلة الثانية وعقبال الثالثة والنهائي بإذن الله.
وبالنسبة للي ما حالفهم الحظ فعسالله ان يعوضكم خير منها انشالله ولا تشيلوا هم والله اللي كتبه لك الله لتناله غصباً عن أم الميزان والطول وكل مانع فخلوا ثقتكم في الله قوية واسعوا وماراح تخيبون باذن الله ويكفيكم ان الله اكرم واجود واحكم من كل الرتب والمقامات.
الموضوع الاساسي طبعا هالموضوع ما يهم المتقدمين اللي في المنتدا بل يهم بشكل مباشر الناس اللي ما يتواصلون بالموقع لبعدهم عن الانتر نت لاي سبب.
تفاجات يوم السبت بحضور مااكمل العدد 24 متقدم فاتتهم مرحلة القبول المبدئي لعدم علمهم بالموعد وذلك لانهم معتمدين على رساله الجوال الي ما جتهم وعند الاستفسار من الموقع وجد انهم مقبولين واللي وهقهم هو الموقع المضروب اللي ما ارسل لهم الرسائل.
فلتلافي ذلك في المرحلة الثانية والثالثة ارجوا من كل واحد منكم السعي لابلاغ اي واحد يعرفه انه لا ينتظر الرسالة ويتابع الموقع بستمرار خاصة اثناء التجمع في المعهد للمرحلة الثانية لان فيه ناس بعيدين عن النت تماما فمن باب حفظ حقوقهم وكسب الاجر ارجوا التعاون معاً والله في عون العبد مادام العبد في عون اخيه.
بالتوفيق
