السلام عليكم ورحمة الله وبركاته
وعليكم السلام ورحمة الله وبركاته
قبل كل شي
كلمة لـ مشرفين القسم
اكيد راح تقولون انو في موضوع مخصص
للأسئلة اللي تتعلق بـ قوات آمن المنشآت
بس انا اقول لكم انو هذا الموضوع غير
لان هناك في اسئلة تطرح ولاحد يجاوب عليها
وهنا الاسئلة اللي بطرحها إن شاء الله تفيدنا
واتمنى إذا ممكن عدم نقل او حذف الموضوع
وإذا كان في امكانية تثبيته يكون افضل برضو
المهم انو الموضوع اتمنى ان لاينقل او يحذف
كلمة للأعضاء
ياشباب انا هالاسئلة اللي بطرحها فقط للي
موظفين في امن المنشات او اللي ياخذو دورة
الآن او لـ الأشخاص اللي متاكدين من اجاباتهم
100% يعني ما ابي احد ينط ويقول والله انا
خالي رقيب في امن المنشات ولا عمي يعرف
اللواء اللي في امن المنشات ولا خدامتنا كانت
تشتغل قبل عند المقدم الفلاني
في امن المنشات
ابي اللي متاكد يجاوب واللي مو متاكد يترك
المجال لـ غيرهـ
لـ موظفين امن المنشات ممكن تساعدونا
وتجاوبون لنا على هالاسئلة قبل لاندخل دوامة
العسكرية ؟ طبعا انا راح اسال عن العريف وإذا
في احد من الموظفين في امن المنشات جاوب
على اسئلتي اي احد يبي يسأل عن رتبته اكيد
ماراح يقصر معكم ..
نبدأ
الدورة
السؤال الأول
كم مدة الدورة ؟
ما في شي محدد تتراوح من 7 شهور الى السنه
السؤال الثاني ؟
نبي برنامج الدورة من اول مانصحى من النوم
لين نرجع إلى الفراش مره ثانيه ..
بالنسبه للخمسه واربعين يوم الاولى كالتالي
تصحى الساعة اربع ونصف للصلاه وتصلي وتطلع الى الميدان تكميل (يعني يتاكدون من ان الكل موجودين ) بعدها تبتدي ثلاث حصص مشاه كيف تمشي مشيه عسكرية كيف ترفع رجلك كيف ترفع يدك كيف تضرب التحية لليمين دور لليسار دور للخلف دور كيف تسلم على يمينك وانت تمشي كيف تسلم على يسارك امور عسكريه لم اقدر اوضح اكثر من كذا ..
طبعا كل ما بين حصة وحصة راحة 20 دقيقة او 15 دقيقة تشرب ماء
طبعا على كذا باقي جاء وقت الصلاه تتهيأ للصلاه وتدخل المسجد وبعدها تشكل في الميدان مره اخره تكميل وتروحون الميز للغداء وبعدها حصه مشاه بعد الغداء طبعا هذه صارت لنا ولكن مو بالضروري تصير عندكم على حسب قايد المركز وبعدها ترتاح شوي وتتهيا للصلاه العصر وتشكل في الميدان وهكذا حتى الساعة 9.30 وتروح تنام وتصحى الصباح
( طبعاً في احد الاعضاء قام مشكور بشرح
البرنامج بس بدون ذكر التمارين )
اللي ابي اوصل له نبي الشرح كامل مع نوعية
التمارين عشان يمدينا نجهز نفسنا نفسياً<< حلوه نفسنا نفسياً ومعنوياً
التمارين ما تقدر تسويها الا لما تشوف المدرب يعلمك خطوه بخطوه والامور سهالة ان شاء الله
السؤال الثالث
هل صحيح انو ماتقدر تشوف اهلك ولا تقدر
حتى تاخذ معاك جوالك في اول 45 يوم؟
نعم صحيح ولكن يكون تهريب جوالات وانا لا انصح بها لانك اذا كشفوك جزوات يعني تزحف في الميدان ما تسوى عليك
السؤال الرابع
بعد الـ 45 يوم الاولى كم يوم اجازه في الاسبوع
اثناء الدورة ؟
تطلع الاربعاء الظهر على الساعة 12 تقريبا وترجع يوم الجمعة الساعة 5 تقريبا العصر
السؤال الخامس
فرضاً انو انا غيرت رايي اثناء الدورة
او مثلا طلع اسمي في ديوان الخدمة المدنية
بما اني مقدم عندهم .. هل اقدر اطلع من الدورة ؟ واترك العسكريه ؟ ولا مومسموح لي ؟
عادي في ناس طلعو ممكن يقولون لك ان العسكرية افضل وفي ناس تنتظرها بس عادي تقدر تطلع ما عندك اي مشكلة
السؤال السادس
اللي مسجل اسمه في التأمينات هل لابد ان يشيل اسمه من التأمينات قبل لايدخل الدوره ؟ ولا عادي تقدر تشيل اسمك بعد ماتخلص دورتك؟
ما عندي علم عنها ولكن الحكومة تابعه للتقاعد وليس للتامينات تقدر تضم خدمتك بعد التخرج للتقاعد على سبيل المثال عندك 5 سنوات في التامينات تقدر تضمها يجمعونها لك بدل ما تخدم 18 سنة على سبيل المثال تخدم 13 سنة
السؤال السابع
هل يمشي لك راتب اثناء الدورة ؟ إذا كان الجواب نعم كم الراتب ؟ إذا كان الراتب يعطونك اياه في نهاية الدورة كم يعطونك ؟
نعم يعطونك راتب ولكن ليس من اول شهر في الشهر الرابع او الخامس طبعا يعطونك دفعة واحد وبعدها كل شهر ينزل لك
طبعا العريف حاليا يعطونا 3816 ريال يضربونها لك في اربعه شهور وينزل في حسابك وبعدها ينزل راتبك كل شهر
السؤال الأخير
كم يعطونك اجازه بعد الدوره .. يعني كم يوم
ترتاح فيه قبل تبدأ الدوام الفعلي ؟
9 ايام على حسب كلامهم مثلا تتخرج يوم الاربعاء تجلس خميس وجمعة ومن السبت الى الجمعة الثانية وتداوم السبت
الآن للعمل
السؤال الأول
ماهو طبيعة عمل العريف في قوات امن المنشات؟
طبعا اول ما تتخرج يا سواق دورية او حارس بوابة بعد ما تاخذ شهرين او اكثر على حسب الموقع حقك ينقلك اذا كان محتاجك يعني انت ميكانيكا ينقلونك للصيانة او اداري ينقلونك للادارة طبعا على حسب الاحتياج
السؤال الثاني ؟
كم الراتب الاساسي للعريف ؟ وكم مع البدلات؟
2940 تقريبا
البدلات 3555 ريال تقريبا
طبعا عندك بدل غلاء المعيشة 15 % لم يضاف
طبعا تضاف فوق هذا 500 ريال لموظفين الشرقية فقط
السؤال الثالث
كيف نظام العمل ؟ يعني منتظم ولا شفتات ؟
شفتات ما عدا الادارة دوام رسمي
السؤال الرابع
كم عدد ساعات العمل في اليوم ؟
6 ساعات
السؤال الخامس
كم يوم اجازه في الاسبوع ؟
على ما اعرف تستلم 3 ايام وترتاح يوم وتقلب شفت وتستلم 3 ايام وترتاح يوم وتقلب شفت اربع شفتات وترتاح يومين وهكذا طبعا من منطقة الى منطقة تختلف الدمام غير الجدة وبقيق غير الخفجي على سبيل المثال
السؤال السادس
هل قطاع امن المنشات فيه اقسام ؟ يعني صيانه وزي كذا ؟ ولو فرضنا ان حطوني في قسم معين اقدر انقل إلى قسم آخر بسهوله؟ ولا الشغله تعقيد ؟ ولا ما اقدر انقل اصلا ؟
تقدر اذا كان في احتياج
السؤال السابع
خبرنا عن الترقيات في قوات امن المنشات ؟
يعني هل الترقيات بسرعه .. وتقريبا كم سنه وتترقى ؟
الترقيات سريعة لانه قطاع جديد على سبيل المثال من جندي الى جندي اول سنتين ويترقى ،، من جندي اول الى عريف سنتين ويترقى ،، من عريف الى وكيل رقيب ثلاث سنوات ،، من وكيل الى رقيب ثلاث سنوات ،، من رقيب الى رقيب اول 4 سنوات تقريبا من رقيب اول ال رئيس رقباء تحتاج الى 5 او 6 سنوات على اقل تقدير
السؤال الثامن
هل اقدر افصل من العسكريه في حال طلع اسمي
في ديوان الخدمة المدنية بدون تعقيد ؟
ولا لايزم يبهدلونك قبل تطلع من عندهم ؟
توقعاتي عادي والعلم عند الله
السؤال الاخير
اللي نعرف انو العسكري ممنوع عليه السفر
إلا مره وحده في السنة ياخذ اجازه 40 يوم بس
بس انا سمعت انو دول الخليج يقدر يساافر اي وقت لكن الدول العربية والاجنبية مافي الا مره وحده بالسنه بس .. هل الكلام هذا صحيح ؟ ان شاء الله يكون صحيح ،،
والله الي اعرفه ان دول الخليج والدول العربية والاجنبية تقدر تطلع لها مره في السنه واذا كان رئيسك المباشر يقدر يمشها لك على حسب لكن المسموح لك مره وحده
واخيراً
اكيد الكل بيقول انو انت مسوي زحمة والشارع فاضي وكاتب موضوع ورسائل القبول للحين ماشرفت
انا اقول انو الموضوع هذا وكل الاسئلة ذي
يمكن بعضنا مايقدر يفكر فيها ويحدد موقفه
خصوصا وان اللي سمعته انو الفتره اللي بتجيك فيها الرساله في حال القبول " وان شاء الله الجميع مقبول " وموعد تسليم الدفتر قصيره
فـ الواحد مايمديه يفكر خصوصا في ناس متوظفه بس راتبها ولله الحمد مش ذاك الزود
مثلي انا 
فـ الموضوع هذا حبيت اطرحه واتمنى من الاخوان الموظفين في قطاع امن المنشات او اللي ياخذون دورة الان يجاوبونا عليها والله يجزاهم الخير وإذا جت الرساله نكون حنا عارفين بكل شي .. وإن ماجت لاسمح الله محنا خسرانين شي
وبالتوفيق للجميع ..