السلام عليكم جميعا انا اليوم كانت مقابلتي والله يوفق الجميع بسم الله ابدأ دخلت عليهم وكانوا 5 دكتورات قالو لي الآتي:: تكلمي عن نفسك ليش قدمتي ع الوظيفه وش علاقة الوظيفه بتخصصك هل تتابعين الأحداث السياسيه؟ طيب وش صار بالعراق ؟ من هو النائب الثاني؟ هل عملت انتخابات في المملكه ؟طبعا مو في الحكم تقصد بميادين ثانيه كيف لغتك الانجليزيه هل تشوفين ان اللغه الانجليزيه مهمه وليش؟ لو احد سألك عن المملكه وش راح تنقلين له ؟ الغرب يرون ان الاسلام يهضم حقوق المرأه من خلال زواج الرجل بأربعة نساء؟ بماذا تردين عليهم؟ مجلس الشورى الأعضاء اللي فيه من وضعهم؟ وش آخر أزمه اقتصاديه ؟ طبعا اغلب المقابله ضحك ما فيه رهبه ولا شي الحمدلله كل الدكتورات مبتسمات انتي بس ادخلي ووريهم طقم اسنانك وتوكلو على الله قبل لا انسى المقابله بالعربي بس وحده منهم قالتلي راح اسألك سؤال بالانجليزي واشوف وطبعا سألتني قالت هاه فهمتي قلت هاه ما فهمت الا السعوديه في الموضوع - -خخخخخخخخ طبعا هي ضحكت وترجمت لي السؤال وجاوبتها بالعربي وسلااامتكم طبعا الاسئله تختلف لان كل بنت تطلع نسألها تقول اسئله غير راح اذكر اللي قالوها لي واعذروني اذا نسيت بعضها -تكلمي عن الاسلام في فرنسا -كم عدد الحروب بين العرب واسرائيل -ماهي وثيقة الحكم؟ - ماهو الفرق بينالمرسوم الملكي والأمر الملكي ؟ - متى هدد الملك فيصل رحمه الله بقطع النفط؟ -ماهو نظام الحكم في المملكه؟ واشياء ثانيه انتم لا تخافون والله اسئله عاديه الله يوفق الجميع لما يحبه ويرضاه والله ما دخلت الا عشان افيددكم لاني مريت بها التجربه اني اسأل ومحد راضي يرد او يبلغنا وش صار معه بالتوفيق مره ثااانيه لا تبخلون علي بدعوه لي ولزوجي ولامي ولابوي واخواني وخواتي وجماعتنا اذا ما عليكم أمر