السلام عليكم :





[POEM="font="Simplified Arabic,4,black,bold,normal" bkcolor="white" bkimage="" border="solid,4,black" type=0 line=0 align=center use=sp num="0,black""]






هذي ثلاث شهور والجفن ما غض = وان غض لحظه هاجس الشعر هاضي

غنيت بالقيفان واصد واعرض = واخيل برق ( ن ) في سما الكون ناضي

دنياك يا خالد فرض همها فرض = خسران من كثر عليها اعتراضي

يا خوك منها لسان كبد الفتى جض = من كثر ما صابه من الهم لاظي

اصبر عليها وافتل الحبل وانقض = حتى ضميرك يهتني وانت راضي

يا خالد ان زمت نهدها بعد غض = يصير واحد سودها والبياضي

عجل قشرها كظته يمنا كظ = والخير منها فيه عسر المخاضي

منها عقول الناس يا خوك تختض = والضحك منها صار حل افتراضي

عذرت منها من بعد نابها عض = والسم سبب للعروق اشتواظي

نوب ربيع ونوب قيظ مقيض = والحكم عند مدبر الكون ماضي

والعاقل اللي يمتني طيب الحظ = يصبر على الصكات للحكم قاضي

يبني بها لو كان يهدم وينقض = لا بد يوم ويزهرن الفياضي

واللي سمك سبع السما ومهد الارض = لاورد عدانا مهلكات الحياضي

ودنياك يا خالد فرض همها فرض = وخسران من كثر عليها اعتراضي[/POEM]


وسلامتكم