اقتباس:
المشاركة الأصلية كتبت بواسطة وثيقه متلحفه
1
التسدح على هالاجهزة لين الفجر
وهذا من اكبر الأسباب من تقومون من نومكم حتى الغبره ماتنفضونها عن وجيهكم
تشغلون هالاب وتتكون عليه وتقولون طفش 
مير عدلوا جدولكم الخايس تتعدل أخلاقكم وماتحسون بها الفراغ ..!!
مخرج
ياربي يامعبود تتطير الطنقره عن اعضائنا |
[align=center]
يمكن يكون موضوعك يميل للفكاهه والضحك
بس انا اشهد ان كلامك جاء على الجرح
انا انام والاب توب جنبي واصحى اول شي اسويه اشغل النت
وربي اني احس بضيقه وملل لو مايشتغل النت
لدرجة اني احيانا اسب المسؤول عن الشبكه واهزئه تهزيء وهو متحملني >>كل شهر يقول مابجدد اشتراكك انت تحمل واجد واثرت على الشبكه ودايما تشتمني
وانا ساحب عليه ومعطيه الريوس واخليه يجدد الاشتراك وهو مايشوف الدرب 
والله صارت سوالفي مع الناس كلها عن النت وجديد المواقع والاشراف واختراق الاجهزه
وصرت احس بالوحده مع اني ساكن مع اهلي في البيت
بس هم ينامون وانا اصحى تالي الليل واشتغل على النت والله صرت احس بضيقه تالي الليل الله لايوريكم
ماادري ليه طولت في كلامي
بس اكيد لاني حسيت ان فيه ناس راح يفهموني في المنتدى
اخواني كلهم مايعرفون للنت واي واحد يقول علمني اقوله انحش وابعد عنه والله ماوراه الا الخراب
>>كلن يشوف الناس بعين طبعه
والوالد والوالده مايشوفوني الا الفجر صارت حياتي ممله لابعد الحدود
الله يتوب عليه من النت ويوظفني ويرزقني
تحياتي
[/align]