المشاركة الأصلية كتبت بواسطة أسومي

أنا مو قاهرني غير شي واحد مدري هالي موظفين بمستشفى بريدة اغبياء او يستغبون مجمعين سبع الاف واحد على خمس وظايف صيدله هذا اذا كانت موجوده يوم الاثنين الساعه 4 العصر فتره وفيها تقريبا 100 والساعه 5 العصر فيه فتره ولاتنسون بعد امس الاحد والسبت ونفس هالموال ويوم تدخل القاعه تعال بذا وتعال بذاك يسمعون يالتنظيم وياليتهم ينضمون انفسهم ويعلمونك كيف تضلل الاجابه كنك بزر مامرت عليك طريقة الاجابه وطف جوالك وشوي ينادي بالاسامي طيب يافندي الي جاء كاتبن أسمه وشعليك مني الي جاء ومن الي ماجاء وبكره ان قبلوك تعال مقابله وتحسب روحك جتك الوظيفه المفروض اذا الوظايف عددها 5 والمقدمين الفين يخي بلا دلاخه سو تصفيه واختبر عشره وخذ نصهم مو تقعد تجمع العالم الي جاي من جيزان والي جاي من الرياض والي من جده والله اكبر هالوظيفه مدير مستشفى ولا مدير قسم
آسف ع الاطاله وعلى الكلام الي قلته بس من القهر