نور هذا و أنتي ثانوية ..

طيب انا متخرجه من حاسب و معاي انقليزي .. وماشيه بالسنة الثالثة بطالة :D

عموما بعطيك نصيحه يمكن تفيدك .

انتي تقولين ان معاك انقليزي لكن هالكلام ما ينفع في السي في بدون شهادة .

تخيلي انتِ صاحبة العمل و تجيك وحده تقول انا انقليزتي والله متوسطه ..وش يثبت هالشيء ؟
طبعا هم مو من مسؤوليتهم انهم يسوون لك اختبار ..

فـ حاولي تاخذين شهادة التوفل .. حتى لو كان مستواك قليل فيها مو مشكلة المهم انها تعطي مؤشر صادق على مستوى انقليزتك ..

و بـ 500 ريال .. و بتدعم السي في .
برضه انتي شاطره قلتي في الحاسب ... أثبتي هذا الشيء بشهادة مثل الـ ic3 & icdl

و ادعي في الشهر الفضيل ...

عندك معهد اسمه الخدمات المتيزة النسائي ..يقدم دورات بالتسويق و السكرتاريه و مصطلحات بنكية ...
ومدتها قليله بين الشهر و شهر ونص الكثير ..

لأن شهادتك ثانوي لازم تدعمينها بدورات يحتاجها السوق و المجال الآن للبنات في البنوك التسويق .

برضه حاولي تشتغلين شهر شهرين في أي جمعية خيرية تطوعي ..هذا بيدعم السي في أنك والله وحده تحب الشغل ...

انا جالسه اقولك بالضبط اللي أقوله لنفسي وكل اللي قلته لك فوق انا جالسه اشتغل عليه ..

و الله يوفقنا