السلام عليكم ورحمة الله وبركاته ,,
مساء الخير للجميع ..
هذه فكره اعجبتني لأحد الأخوات في احد المنتديات عن التوصيل بالسياره الخاصه وهي شغله مايبيلها الا سياره خاصه وبس والتسويق لنفسك ووضع الدعايات وهي توصيل وشحن اي بضاعه وخصوصا من المحافظات التي لايوجد بها زاجل او فيديكس او شركات شحن الى المدن الرئيسيه كالرياض وجده والدمام .. واليكم موضوع الأخت حرفيا واتمنى ان يستفيد منه الجميع :
مرحبا بالجميع
حبيت افيدكم لأني الاقي معاناه في الشحن للرياض ومن الرياض للخرج ومن سوء حظنا الخرج مافيه زاجل لأنه يعتبر ارخص و اسرع شركة شحن على الإطلاق
ماعندنا إلا فديكس وغالية
لكني طحت على مندوب لوقطهههه يوصل بضاعتك من الخرج للرياض بـــ30 ريال طبعاً لزاجل في الرياض وزاجل توصل لأي مكان تبغين ترسليله وانتي مرتاحه
ولو بغيتي بضاعة من تاجره في الرياض يوصلها لك للخرج
لكنه محدد يوم معين يجمع فيه الطلبات مره وحده وماألومه لأنه صعب يضرب مشوار للرياض عشان 30 لكن يوم يجمعهم مره وحده في يوم واحد ممكن يطلعله اكثر الله يرزقه
عرفته عن طريق زوجي يعرفه ظروفه صعبه والله إنه يتيم وهو الكبير ويعول الأسره ويبغا يسترزق لين يتوظف الله يرزقه ويرزق كل الشباب ويشغلهم في امور تنفعهم
والله تحمست له لأنه يعجبني الشاب إللي يبحث عن رزقه وقضاء فراغه ويحس بالمسؤلية تجاه اسرته وغير هذا الله يكسبني اجره
والظاهر مو بس اجره هو اجركم انتم بعد وترتاحون من الخساير والطقاق مع الزوج أو الأخوان في ودي وما تودي
لو بغيتو رقمه راسلوني
لا تنسوني بدعوتكم )
لاتنسوني من دعواتكم بالتوفيق والحصول على وظيفه
اخوكم/ قلم مفكر