المشاركة الأصلية كتبت بواسطة مجنون شهار

انتوا للحين منتوا راضين تقتنعون ان فيه جامعيين مقدمين معكم على جندي بالمباحث
يعني مسوي ما تبي تحطم نفسك
لا والله بالعكس احطم نفسي واغسل يدي عشان لو طلع رقمي افرح واتحمد ربي
واذا ما طلع يصير وقتها عادي ما تفرق لاني كنت عارف وضامن انه مابيطلع


انا مقدم بالثانويه ولا صايحت وحرقت دمي مثلكم
ياخي اللي معه جامعه زيه زيك يبي وظيفه وش فيها ليه تحسده وتزعل عليه وتدعي عليه مو مثلك يعني عنده طموح ويبي يتزوج ويكون اسرة ويبي يلبي طلبات نفسه ؟؟!؟
يعني بالله بالعقل هو لو لقى شي ثاني غير العسكريه وجندي بعد تعبه هالسنين بيخليه وبيجي يقدم معك على جندي


لكن هذي ارزاق ومحد يدري وين رزقه ووين ربي كاتب له الوظيفه
احنا سوينا اللي علينا وبذلنا بالاسباب والباقي على الله
وننتظر النتائج ونشوف وش يطلع فيها ؟!؟!

وانا من الحين اقول الف الف الف مبرووك اذا كانت كل الارقام للجامعين واهل الدبلوم
يستاهلون هالشي لانهم تعبوا اكثر مننا بالدراسه وسهروا وحدتهم الظروف ومصايب هالزمن على هالوظيفه ولكن اسأل الله العلي القدير ان يرزقنا ويعوض علينا

واذا كان لاهل الثانويه نصيب بالقبول فهذا من الله ورزق
ربي كاتبه للشخص اللي يحمل الثانويه انه ينقبل بالمباحث ولا احد يقدر يعترض على اللي كاتبه ربي وقدره لنا

(لا يجي واحد ويقولي طيب هم قالوا ثانويه بالاعلان ... طيب احنا ماقلنا شي هم قالوا ثانويه او مايعادلها وهذا الشي تدري وش معناته ؟!؟! )
( معناته ان شهادة الثانويه هي الحد الادنى للشهادات المطلوبه .. يعني لو جاء جامعي او دبلوم وقدم عادي ومن حقه وله الافضليه لانه اعلى منك بالمؤهل وهو عنده زياده على طلباتهم بالتقديم
واحنا يا أهل الثانويه ما لبينا او ما توفر عندنا الا الحد الادنى من شروطهم وطلباتهم )

لحد يزعل من كلامي لكن هذا الصحيح والصدق واللي المفروض كلنا نقتنع فيه
( ومعلومه اخيره ترى اقول كل هالكلام وانا مقدم بالثانويه وحاسب 6 شهور ومعاها كذا دوره
لكن ما اقول الا اللي كاتبه ربي هو اللي بيصير )


وبالتوفيق للجميع