ياناس ياعالم انا في ورطة ساعدوني
انا دخلت بياناتي ولما انتهيت رجعت وسويت تعديل
بس كل ما ادخل متابعة الطلب يطلع رقم الهوية لا يوجد له تقديم سابق
ورجعت وسويت طلب جديد وقال لي رقم الهوية موجود ادخل الرقم السري ولما دخلته شفت الصفحة اللي فيها بياناتي ورقم الطلب
بس كل ماادخل متابعة الطلب يطلع لي مثل اللي قلته لكم
ولااقدر اشوف رقم الطلب الا اذا بديت اسوي طلب جديد يقول ادخل الرقم السري وهكذا دواليك
وش السواة ؟
وايش سالفة الخانة اللي فيها تعديل الطلب واذا ضغطت عليها يطلع تم حفظ التعديل ؟
وبعدين انا لما عبييت البيانات ماطلعت لي مستوى المملكة ومستوى المركز وش سالفتها ؟
وبعد سؤال لما اكتب نعم ارغب في اي مكان يطلبون اثبات اقامة عليها ؟
وبعد سؤال انا من كلية التربية في الخرج ومكتووب في الوثيقة جامعة الملك سعود ولما كتبت النسبة كتب ان الجامعة ما فيها النسبة من 100 لاني كاتبة المؤسسة التعليمية جامعة الملك سعود فرجعت وغيرتها وكتبت المؤسسة كليات البنات فهل هذا العمل صحيح ؟
وكيف اعرف ان طلبي صحيح ؟
تكفون اللي يجاوب يكون متاكد من الاجابة
تكفى ترى تكفى تهز الرجاجيل
والحريم
واسفة على الاطالة لكن اعذروني اول مرة اقدم وتورطت