الســلام عليكم ورحمة الله وبركاته .. صبحكم الله بالرضاء والسرور وطاعة الرحمان ..

.................................................. ......

ابد1 بالموضوع مباشره .. العلم يالربع سلامت روسكم

انا تخرجت من الثانوية العامه .. بتقدير جيدجد1 .. نسبتي 85 علمي .. وعندي شهادة حاسب بتقدير ممتاز والاول على دفعتي والمعهد نظامي ومافيه اي غش
وقدراتي 66 .. وقدمت على جميع القطاعات العسكريه وماقبلوني .. مع العلم اني اعول اكثر من 17 نفر وعندي صك اعاله لهم من شيبان ومن عجوز من اخوان .. الخ الخ ..
وسجلت بالمباحث الي هي كانت اخر الاحلام .. والاماني ..
وماجاني قبول .. انا والله ماتكلم عن نفسي عن جميع الي ماقبلوهم الي فيهم المتزوج والي فيهم الي يصرف على الشيبان والخ الخ .. وربي حالنا مزري نحن ( السعوديين ) وصدق من قال خيرنا لـ غيرنا .. انا ماحسد اي شخص كان سعودي او اجنبي انا مؤمن بالله وعارف ان كل شخص له رزق مهما كان .. ولاكن الحكومه حاطه يدها على خدها او كيف .. ماخليت قطاع حكومي او خاص ماسجلت فيه .. وفي النهايه ( نعتذر لعدم قبولك ) هالكلمه والله اني حلمت فيها حلم وصحيت من الحلم عفو1 ( كان كابوس ) مايحق لي اني ابن من هاذا الشعب افكر واحلم واخطط .. لـ الله .. ثم وطني .. الا يحق لي كـ شاب سعودي في ( بداية العشرينيات من عمره ) ان يكون طموح .. والله اني اكتب لكم هالكلمات والعبره تخنقني .. مادري وش اسوي .. ماخليت شي ماقدمت فيه .. وش اسوي بالله .. ( اسرق - التجي لـ بياعة السموم الا وهي المخدر1ت ) معقوله اوصل لـ هالفكر وانا افكر باني انفع وطني ؟؟ مافيه مسؤؤليين ( يناظرون في طلباتنا ) مير متبطحين في هالقصور ولايدرون عن شي .. والله اني قدمت على حارس امن بـ راتب 3500 وانهم رفضوني ؟؟ والله اني اقولها صادق ولي رب ( بالسماء يحاسبني على اي كلام كذب ) ولاكن احنا مسلميين وعارفين ان ( كل شخص وله رزقه ) سو1ء كتب الله لي ( الفقر فـ والله اني راضي )

اتمنى ان لايكون الموضوع ثقيل عليكم ..

تقبلو مروري اخو1ني الكر1م