لا والله يالغالي كلنا نعاني من هالمشكله والله صدق وش نسوي وش نسوي


حنا يالسعوديين والله نبي نخدم الدين والوطن وطنا ياجماعه كله اجانب

مانقول لا نشتغل في شركات براتب 2500 والحكومه تدعما بـ 2000 ريال ويصير الراتب 4500 ريال

نعمه


يصير الواحد يفتح له بيت ويتزوج ويصرف على عمره ماهو عايش على راتب الشايب المتقاعد

الي يادوب يكفي مصاريف البيت والكهربا والماء

والله يامسئولين انا امانه في رقابكم وحالتنا في في اسواء حاله يعني المناصب الي انتم فيها


تكليف وليس تشريف وجلسات دون عمل والله تعبنا من روحات لمكتب العمل ويرسلونا على شركات

لين ماتمل والشركات يصرفونك وترجع لمكتب العمل يقولك وش نسويلك


اعرف ان فيه ناس من المسؤلين قلوبهم طيبه واهل دين ويخافون ربهم ياناس خافو الله فينا

وظفونا بالجيش وارمونا بأي مكان وعطـونا راتب 6000 بسس مانبي غيرها وارمونا باي مكان في السعوديه


مستعدين نروح


والله نروح لحمايه الوطن وهـا 6000 تكون مصاريف للبيت والامور الي تبي تعينا على حمايه الوطن


يامملكتنا الغاليه ياملكنا الفاضل العزيز على قلوبنا حنى لكم مثل الفشق في احزمتكم امرونا بالي تبون

حنى عيالكم لازم تحافظون علينا والله يا طرق الخراب كثيرهـ والشباب كلهم سريعين الانحراف والانجراف

للخراب شوفو لنا حل

حنى اولى من التبرعات لخارج الدول صدق هي سياسات التبرعات وغيرها لكن والله حنى هنا حالتنا حاله

والحمد لله

يارب ديمها من نعمه والله اني في نعمه يحسدنا الكثير عليها لكن والله إذا ماحافظتو علينا يامسئولين

راح نكون عبئ على الدوله وعلى الدين ماقول هالكلام لأني حاقد على وطني ولا شي زي كذا


لا والله اني احب وطني واحمل من الوطنيه الشي الكثير

والله اكتب الان وانا حزين


وطني الحبيب لنتفرض انك وقعت في مشكله لاقدر الله ؟


من سيقف لك نحن ابنائك نحن الذين نشائنا ولعبنا وتربينا على ترابك ياوطني الحبيب

أحفظ شبابك ولا خير في وطن شبابه فاسد



اخواني العاطلين كل واحد يعبر عن كلمه يقول شي يفضفض ياخذ راحته




< اقسم بالله العلي العظيم ماحلفتوني بالله عز وجل يوم الحوثيين حاربو السعوديه

اني متقطع ودي اروح اشارك في هالحرب واموت في سبيل الله عز وجل


الكثير من الناس هنا يقولون هذا يهايط من وراء شاشه وجالس


لكني والله اني صادق وفيه من الشباب الي هنا والنعم فيهم والله لاقالهم دينهم والوطن ياشباب لبو له النداء


ياوطني والله ماراح يفيدك غيرنا وسنظل معك إلى الابد سواء لقينا وظايف ولا مالقينا


لان في نفوسنا حب الوطن والغيره عليه ولعن خير ابو من يسوي فيه شي

يامرحبا بالموت في خدمه الدين والوطن



والله ياشباب اني حزين وأملي بالله عز وجل كبير

صدق شعب السعوديه كثير لكن فيه فساد إداري كبيرر والواسطات ماشيه


ليه مايكون فيه نظام يارب يشوف كلامي هذا الي طالع من قلبي وكثير من الاخوان هنا عندهم كلام اكثر من كلامي


ولكن نحمد الله ونشكره على كل حال الدنيا صغيره وكلنا نبي نموت هالحياه زايله والانسان يعمل للحياة الباقيه

لحياة الجنان اللهم ارزقني وياكم جنات النعيم


أسئل الله الكريم رب العرش العظيم أن يتوفاني ساجد ولا مجاهد يارب


تحيتي لك ياصاحب الموضوع وتحيتي لكل من شرفنا في هالموضوع وتحيتي لكل مسئول يشوف هالموضوع ولا يحاول يغير من نفسه

ولا يحاول يأثر في من حوله .


لاحولآ ولا قوهـ إلا بالله العلي العظيم