اقتباس:
المشاركة الأصلية كتبت بواسطة نرجس
اخوي سطل كوسه لو تكرمتم استفاراتي كثيره واتمنى تتحملوني
اول مره اقدم ع الديوان بالرغم من تخرجي لي 7 سنوات
1- في خانه المؤهلات العلمية
انا درست في كلية الادآب ايش احط في الدرجه العلمية
والمؤسسه العلميه ايش اكتب علما انه انا تخرجت من كلية الاداب قبل ماتنضم لجامعه نورة والنسبه عندي مئويه هل اكتب جامعة نورة او كليات البنات
وفرع الوزارة الذي ترغبين بمراجعته انا كتبت فرع منطقة الرياض صح او لآ
2- الرغبات المكانية
طلعت لي هذي المراكز ورتبتها بهذا الترتيب
# مركز ثادق وحريملاءوالعيينة
#مركز المزاحمية وضرماء
# مركز رماح
# مركز الرياض
هل ترتيبي زين وغير كذا هل فيه مناطق غيرها تابعه للرياض ممكن اضيفها
#في حالعدم توفر الوظائف في الرغبات المكانية التي حددت هل توافقين التعيين في اي مكان
انا اخترت لا ارغب هل اختار ارغب ام لا تشجعني على ذلك
3- الدورات التدريبية
جهة التدريب / ايش اكتب فيها انا درست بالمركز الثقافي يعني اكتب اسمه في الخانه
مجال التدريب / انا الدورة حقتي اسمها برنامج تقنية مكاتب هل اكتب الحاسب الالي
مصادقة الجهة الحكومية المشرفة على التدريب / انا كتبت نعم لانه اختبرت في المؤسسه العامه للتدريب التقني والمهني هل هذي تعتبر مصادقه حكومية او لآ
وعندي دورة معارف اخذتها من المركز الثقافي ايش اكتب في مصادقه الجهه الحكومية نعم او لا
# تحت كل قسم خانه مكتوب فيها حفظ التعديل هل اضغط عليه بعد تعبئه البيانات او انتظر الى ان ينتهي التسجيل
اتمنى الاجابه ومشكورين 
|
1- وش مكتوب بوثيقتك ؟
كلية الآداب ولا جامعة الأميرة نورهـ ؟ وبرضوهـ وش التخصص المكتوب ؟
فرع الوزارة عادي صحيح .. أهم شي يكون قريب منك يعني بنفس مدينتـك .
2- بخصوص الرغبات المكانيـة ترتيبهـا يرجع لحسب ظروفـك أنتي .
يعني ماأدري انتي تبينها بالأقرب لك احسبي شوفي وش اقرب لك من المراكز ؟
بخصوص نعم أرغب / لا أرغب .. هذا بعد التواصل مع الخدمة المدنيـة قالوا
لو كتبت ( نعم أرغب ) راح يكون التعييـن على مستوى المركز ..
يعني انصحك تضعين نعم ارغب ( هذا لو أردتي الترشيح بأي طريقة )
3- جهة التدريب يعني اسم المعهد .
مجال التدريب مدري والله .. بس إذا درستم حاسب بالمعهد حطي مجال التدريب حاسب .
وبالنسبـة للتصديق نعم تعتبر مصدقـة بس تأكدي من ختم المعهد ومكتوب عليه تحت إشراف المؤسسة العامة للتدريب المهني والتقني .
وبالنسبـة لدورة معارف إذا كانت مصدقـة بنفس الطريقة أكتبي نعم .
بخصوص حفظ التعديل نعم يلزمك الضغط عليها في كل مرة تدخلين وتعدلين على بياناتك .
وفقك الله