إنسان ويعيش الحياه بعقل في حد الجنون
احاول اجمع ماتكسر وانكسر فيه وحدي
تحت السما المفتوحه الابوب يملاني سكون
اطفي مثل فرحة حبيبين .. بظلام سرمدي
.,
يمر حياتك يروح ويتركك .. شبه حي
ويجرد طيور روحك من اثر كل ريش
تطري عليه ويمرك يسألك فيك شئ .؟
يرد يذبح بك الباقي ويرجع يعيش.!!
.,
متى ماعربد بصدرك رياح شتاك
و برد الغايبين استفردك
هزك ..
كسر بك
مايعينك توصل لدربك
وحيد وغربتك دود انتشربك
والحزن مُـرْبـِك
تخمَّـر بك
ولا تلقى أحد قربك !!
:
حبيبك من حطب لك من شـجر روحه دفاك
ورد صار الظل ..
يبلل صدرك اليابس
ويمسح جفنك المبتل
حبيبك من يكون الكل
بضحكة تزهر بوجهك حدايق فل
بلمسة تشعرك في ثانية معناك
وتتوزان حياتك في دفاه بكثر ماكانت ..
من برد العمر تختل !!
.,
الحزن وش خلا طعـم
ما ذاقته روحك معـه
وش يهدم أكثر ما هدم
جدران روحك بإصبعه
وش يعني انه لاهـزم
بك غصن يابس وقطعه
ما عاد بك على الألـم
قدرة عليـه وترفعـه
لو كان يعبر في صنـم
بارد وخالي يفجعـه !!
.,
ما هو بدمع اللي تشوفـــــه وتقـــراه
سمّـــه مثل ما ودك انـــك تسمِّيـــــه
لو تلمسه والله ما تاصـــل أقصـــــاه
أو تلحقه ما ياصـــل أولك تاليــــــه
من يوم حط بمحجر العين مركـــــاه
وأنـــا أتحـــرى كل ليلـــه مناديـــــه
إما على غـــالٍ بنــى بيــت فرقـــــاه
بالقلب وخـــّلا عنكبـــوت الهجـــر فيـه
أو صاحب هب الزمان ونثــــر مـــــاه
وتساقطــــت قـــــدام عينــــه لياليـــه
ولا علـــى ذنــبٍ تعاظمْـــْت بلــــــواه
أصرخ بوجه ( لأ ) ويصرخ على : إيـــه !!
أنا جمعت الملح ابشـــرب وصايـــــاه
وأمد له عيني على شـــــان أغنيــــه
الدمع يرقـــــا لـو تحــَّدر لمجـــــــراه
مثل الدعا يصعد وهو عند راعيــــــه !!
.,
ليـت لـي قلـبٍ بليـد ولي عيونٍ تـنام
كان ما والله لحقني علـى نفسـي عتـب
لا بكيت أحدٍ طواه الجفا تحـت الظـلام
ولا ذكرت من الشجر حاجة ٍغير الحطب!
مير لي قلبٍ تجمـع بـه المـا والحمـام
ممتلي صبحه, نخيل ومواويـل وقصـب
لو تمرّه ريحة الدمع فـي لحظـة زحـام
خلّته من غير عشـبٍ نـدي ولا رطـب
.,