اختي
اولاً:
المظهر الخارجي احرصي عليه البسي تيور رسمي اسود وداخله ابيض وجزمه وانتي بكرامه مريحه وما تطلع صوت ملفت والحقيبه انيقه غير مبهرجه افضل سوداء حجمها وسط اعملي حركه بشعرك ناعمه وحطي ميك اب ناعم جدا والاكسسوار ناعم وحطي عطر خفيف ولا تنسين الجوال قفليه اثناء المقابله الشخصيه.
ثانيا:
خذي معك صور واصول مؤهلاتك كلها بدون استثناء وبطاقة اثباتك وصوره منها اثناء الدخول خلي ابتسامه بسيطه على وجهك وردي السلام وعرفي بنفسك وخليك هاديه وعندك ثقه بنفسك وركزي النظر في عين الي تسألك السؤال ريحي اعصابك مهما حاولوا يستفزوك بالاسئله وخلي صوتك واضح وردودك منطقيه وحلوه .
ثالثاً:
جهزي تعبير عن نفسك بالعربي والانجليزي واثناء القائه لا تبينين انك حافظته سوي تعابير على وجهك وانتي تتكلمي وكمان جمعي قد ما تقدري معلومات عن البنك وعن القسم الي انتي مقدمه عليه تقريبا المقابله الشخصيه الاولى كذا.
بالنسبه للحاسب والانجليزي راح تكون بعد قبولك
انتي توكلي على ربك وسوي الي قلتلك عليه وان شاء الله ربك بيوفقك
تحياتي