توني جاي من راس تنوره


بعطيكم المختصر


اول خطوة تروح لغرفه الانتظار عشان يعلمونك كيف ترتب ملفك و تكتب معروضك ولمن توجهه ويعطوك ورقة وقلم ويصورون اوراقك للامانه ماقصروا مع الجميع



ثاني خطوه يدققون شهاداتك .. اذا كانت مصدقه من جهاتها اوكي لا تجيب الشهادات الاصل
اما اذا مو مصدقة لابد تجيب الاصل لكل الشهادات



ثالث خطوة تروح للغرفه المقابله ويشوفون نظرك اليمين واليسار ويتاكدون انك مو لابس عدسات ويالله ( يمين شمال فوق تحت) بعدها يشوفون طولك ..ووزنك وبعد ماتسوي لايمديك تشوف طولك ولا وزنك ولا نظرك ولا اصلا كم اعطاك لانه يدس الورقه عنك وياويلك لو تزوغ عينك يقعد يصايح فيك هههههه من جد متشددين


رابع خطوة تروح لمقابله الشخصية ماسكها رائد وملازم والبقية ماعرفتهم للامانه ولكن ترى مافي اساله ذكاء ووش لون البويه اللي وراك ولا الكرسي .. اول شئ ارفع صوتك وخله عالي يرنرن بالغرفه وخلك سريع بالاجابات وش يشتغل ابوك وش اسم اخوك وو المهم خلك سريع ولا تصير فاغر


خامس خطوة تاخذ اغراضك وتذهب منذلفاً من حيث اتيت

النتايج 7-8 عالنت


ملاحظه : شروطهم كرت عائلة الاب وبطاقة احوال الاب والصور العشره ضروريه ولابد منها لاتنسوون .. والشئ الثاني ان اللي مفروض يكون متواجدين حدود المئه ولا تواجد الا خمسين يعني نقطة لصالح المتقدمين ..



المركز ياشباب ححسب توصيفي

تمسك خط الجبيل .. الى مفرق راس تنوره - صفوى ..اذا اخذت المفرق تبتل سيـــــــــــــــــــــــــــــــــــده مشوار طويل الى ان تقابل اشاره تعداها وتلقى الاشاره الثانية خذ يســــار وبتل سيـــــــدة الـــين تتعدى مركز بيت المنزل بعده بمسافه 500 متر تلقى عماره قديمــــــه خذ من بعدها يمين امش لمن تلقى المركز على يسارك والمواقف مقابلها


موفقين