وانتم ماملين خير في مستشفى الامل ( اسم على غير مسمى ) للاسف
هالمستشفى اوقات صعب فيه اسررة للمرضى افضل مافيه صرف الادوية المؤقتة اما التنويم والاهتمام كثير ناس مامدحوه ...
نصيحتي دام الوالد تعبان وكبير بالسن .. حاولو قد ماتستطيعون تجيبون اسامي اخوياه الموثوق فيهم واخوياه الصاحين في العمل او برى العمل .. اهم شي مالهم بالتعاطي ..
خلوه يمسكونه على جنب ولا يطلعونه مكان وياخذون معهم شخص ملتزم وعنده اسلوب بالنصيحة ويعطونه من النصايح لين يستوعب ويعرف انه على درب خطير .. واللي يقول كلمو الاقارب اهم شي يكون بعد القريب ثقة وعلاقته مع اخوكم كبيرة لان بعض الاقارب عقارب مايصدقون يعرفون شي عن فلان وينشرون الخبر عنه ,,
اذا قدرتي تشغلين كل وقت اشرطة دينية في البيت وهو موجود او تحطونها له بسيارته .. خصوصا اللي فيها قصص وعبرة عن المدخنين
اهم واهم واهم شي للتعامل مع المدمن .. الاسلوب ثم الاسلوب في نصحه لاتعصبون عليه وتسبونه ترى ماينفع كذا بيعاند ويفكر تفكير ثاني واشد منه .. الكلمه الطيبه ولاغيرها
اذا شفتي اخوك ابتسمي معه اجلسي معه حتى لو هو معصب استحملي لاتحسسونه انه مجررم
هذا كل ماعندي والله يشفيه ويطول بعمر والدك ويجعل ابنكم خير نافع له