بسم الله الرحمن الرحيم .. والصلاة والسلام على رسول الله محمد صلى الله وعليه وسلم .. قصتي بعنوان .. ( طبطب يامقيم ) .. اي امسح على روسنا يا مقيم طبطب يامقيم .. القصه صارت معي اسبوع الماضي .. في البداية انا خريج كليه البطاله التقنيه .. وبمعدل مع الاسف صرنا ما نشوف من المذاكره عشان نجيبه .. والحمدلله .. مع مرور الايام والاسابيع والشهور .. الى ان اكملت سنة كامله بالبحث عن وظيفه أي وظيفه .. جاني حد اقاربي قال انا كنت في مستشفى خاص وسمعت فيه وظائف رجال / نساء المهم انا مو اناني واحب الخير للكل .. اتصلت على ربعي المتخرجين مثلي وشرواي .. وعندي كريمات متخرجاات وينتظرون توظيف .. عطيتهم خبر نصحى الصباح ونروح ونشوف . وانا بداخلي عدم حماس نهائياً .. وصلنا الساعة 9 الصباح .. ودخلنا على الاستقبال .. الرجال في جهة والنساء بجهة .. انا بقول قصتي وبخلي كريماتي مستورين ازين لان حالهم اردى مني .. دخلت عند موظف من المقيمين .. ورحب فيني وماقصر .. انا طبعاً دخلت بدون ملف اخضر .. كانت بيدي فقط اوراق وكأني مراجع .. لان وجهي طاااح .. وطفشت كل ملف بريالين ينفع اشتري فيهم ببسي .. المهم من هنا بدت القصة .. ارسلني الاخ المقيم لواحد من نفس جنسيته .. ودخلت عليه وزحمة وازعاج .. .. انا دخلت ومتحمل كل شي على امل ما اطلع خايب .. وقلت انا الفلان اللي كلمك زميلك .. قال تفضل .. وجلست لي حوالي 15 دقيقه وانا مثبر .. بس عيوني تصور يمين ويسار .. هو مركز بالكمبيوتر واظن نساني .. بالاخير قال اعطيني اوراقك .. ناظر ناظر ناظر .. ماعندك دورات .. قلت له بصراحه ماعندي قريشات ادخل دورات وحالي صعب .. قال طيب كيفك بالانجليزي .. قلت له متوسط .. عطاني ورقة وقلم اكتب الجمله هاذي وترجمها .. كتبتها وترجمتها على حسب علمي .. مع اني اعرف انها فقط لالقاء الحجة علي عشان عندهم عذر لو تكلمت . والله مابي اشتغل مديرهم لو يبون اصب لهم الشاي والقهوة .. او اكون حارس .. ماكنت اطمع بشي فوقي انا متواضع والحمدلله .. نرجع لمحور حديثنا .. ناظر الترجمه والكتابه .. قال كويس بس الترجمه فيها مشاكل .. ماقدرت احكي .. لان عقلي يبي له تهيئة .. المهم جاه اتصال .. ونرفز من المكالمه وصار يصارخ .. قلت هالله هالله .. قم وياا شماغك ياولد قبل يجيك شي .. خلص المكالمه .. وقال خلاص يا فلان .. (راح نتصل عليك ) <- والله يوفقك لما وقفت .. قلت له بصوت خفيف .. ( مو شرط اشتغل بنفس شهادتي موافق بأي شي ) .. ابتسم المقييييييم .. ابتسم على حال مواطن مايسواه بالراتب والمرتبه .. ملاحظة : لم أُقابل أي موظف سعودي بالمستشفى معاااااااااااااانااااة .. وماخفي اعظم .. والله يعين كل من على شاكلتي .. بالتوفيق للجزائر بكاس العالم ...