المشاركة الأصلية كتبت بواسطة خذني الى نفسي

الحمدلله كان موعدي امس الاربعاء فكوا لنا الباب يمكن الساعة 5 ونصف اول شي تدقيق اولي عند الباب ع ترتيب ملفك وصيغة المعروض<<<<اهم شي في المعروض انه يكون موجه الى مدير مركز التدريب الوطني بمنطقة مكة المكرمة وتحط ارقام تلفونك ورقم الهوية وعنوانك وبعدين تروح ع التدقيق الاوراق في صالة كبيرة كلها عسكر يدققوا معاك الاوراق وبعدين تروحون ع اللجنه الطبية اللي هي الطول والوزن <<<انا ماقهرني الا اللي يسوي الطول والوزن موظف مدني شاب شايف نفسه مررررة وتعامله صراحه جدا سيء.
وبعد ماتخلص تروح ع كشف النظر انا الحمدلله نظري مزبوط بس لمن حط الكشاف في عيوني بعد كنت اب الخبط في النظر بس عدت والحمدلله وبعد النظر تروحون للمقابلة الشخصيه المقابلة جدا سهلة والاسئلة اللي انسألتها:
ا-تكلم عن نفسك وتخصصك
2-من هو رئيس مجلس الوزراء<<طبعا خادم الحرمين الشريفين
3-من هو وزير الداخلية
4-من هو نائب وزير الداخلية
5-في اي قارة تقع السعودية<<<طبعا قلت في قارة اسياوقالي في اي جهة من اسيا وهي طبعا جنوب غربي
6-من هو وزير الاعلام >>>طبعا عبدالعزيز خوجة وقلتله انه كان سفير السعودية بلبنان وشفته ابتسم لمن قلتها
7-من هو وزير الصحة<<طبعا الدكتور الربيعة وقلت هو طبيب من الاطباء ع مستوى العالم في فصل التوائم ..
انتهت المقابلة وقالي الشخص اللي سويت معه المقابلة :انت اليوم من افضل الاشخاص اللي سويت معاهم مقابلة وقلي روح الله يوفقك.<<<طبعا انا سويت المقابلة مع واحد مدني جالس بركن الغرفة
ياجماعه في المقابلة لازم تكون متكشخ وخل صوتك عالي ولمن تنسأل سؤال وعارف اجابته حاول انك تتفلسف وتعطي الشخص اللي يسويلك المقابلة معلومات يعني تبين انك فاهم ولمن تتكلم خل عينك بعين الرجال ولمن تكون جالس خلك مقابله وانفخ صدرك<<<يعني جلسة رسميه
ملاحظاتي من موقع مركز التدريب:
جميع اللي راح تقابلهم من عسكر ومدنيين شباب حبوبين ومايقابونك الا بابتسامة حتى يعطونك راحة نفسية <<باستثناء موظف الطول والوزن
مركز التدريب بصراحه صغييير جدا والميدان مرررة صغير يعني ادا ربي وفقنا وانقبلنا ماراح نتعب ان شاء الله .
يااخوان حاولوا تجوا بدري لاني دخلت خمسة ونص وخرجت ثمانية ونص لانهم يقسمونكم الى مجموعات وانا كنت بالمجموعه الاولى.
ياأخوان ذا ملخص للي صار معي هناك اتمنى انكم تدعولي بالتوفيق والمعذرة اذا قصرت معكم