مرحبا
هل تفضلي بأن يناديك زوجك أو والدك أو أخوك أو

بإسمك أو بأم فلان أو يابنت؟؟ ولماذا؟؟

أفضل ولا بعد أزعل لو ما ينادوني باسمي ؟


هل تشعري بإحراج إذا ناد شخص إمراءة بإسمها؟؟ ولمــاذا ؟
لا ابد ما اشعر بإحراج بالعكس هذا المفروض

على الطاري
كان لي ولد أخت وكان تقريبا في أول متوسط
ويلعب الكوره في الحاره مع الشباب
شافته حرمه قريبه لنا وقالت هلا والله ؟؟ وعرفته من الشبه
قالت أقول انت ولد " لطيفه " قام ولد اختي قال لا ؟؟؟؟؟ ما اعرفها ؟؟؟
ومشى الموضوع عادي ولا من درى ولا من عرف
بعد شهر جت الحرمه لبيتنا وأول من شافت ولد لطيفه ؟؟؟
قالت الحرمه " هاأأأأأأو " وأنا اقوله ذاك اليوم في الشارع امك لطيفه ويقول لا ما اعرفها

موقف ثاني ..
زمان كان اخوي الي اكبر مني رايح يصلي
عطيته فلوس وقلت له اشتر لنا من البقالة معك
ما ادري وش قصته ما لقى الأغراض واتصل من البقاله
طبعا ما كان فيه جوالات
قال الو ..
قلت نعم
قال وين اختك ؟؟
قلت وش اختي
" ما يبي راعي البقاله يعرف اسمائنا "
قال الي اكبر منك
وناديتها وكلمها
قال عطوني الي اصغر منها
ومشا علينا بها الأسلوب
<<< حنا طبعا متنا من الضحك


انا ماادري ليش اسمنا عيب ينقال
ولا إذا الصديق وده يقهر صديقه قال تراني اعرف اسم امك
ولا اختك ؟؟؟؟؟؟؟؟

طيب وش أشرف من الأحاديث الي هي أطهر كلام بعد كلام الله
تنقل لنا برواية عائشة رضوان الله عليها

لازال مجتمعنا يتمتع بقيود يخلقها لنفسه
ويفرض عليها العيب والعار


شكرا لإتاحة هذه المساحه الحره