قصيدة وصلتني بالبريد وأعجبتني


[POEM="font="Simplified Arabic,5,white,bold,normal" bkcolor="transparent" bkimage="./images/backgrounds/3.gif" border="ridge,3,silver" type=0 line=0 align=center use=sp num="0,black""]
يا صانع المكياج الله يجازيك=خليتني مخدوع في شكل خلي
الله يحرق مصنعك مع مبانيك=والمعرض الموجود في بيكاديلي
ادعي عسى تعمى وتنشل رجليك=هذا دعائي دوم لا جيت اصلي
خليتني اركض ورى البنت هاذيك=واشوفها اجمل غرام ٍ حصل لي
قلبي عشقها ياحبيبي توماتيك=وان شافها قلبي يرحب يهلي
هي رحبت بي وقالت الله يحييك=وقالت هلا باللي عشق زين شكلي
وقالت انا اجمل بنت في اللي حواليك=شف حسني الاخاذ وروجي العسلّي
طالعتها ثم قلت هالقلب يبغيك=ومن شاف حسنك خلى غيرك يولي
ابغي اشوفك دون مكياج يكسيك=وابغي اشوفك بالجمال المحلي
قالت تبيني افرك الوجه تفريك=واشيل هالبودر وروجي وكحلي
قلت أي نعم قومي عسى الروح تفديك=ابغي جمالك هالطبيعي يهلّي
قالت دقايق راجعه لك واراويك=ذاك الجمال اللي لعينك يسلّي
ويوم رجعت لي شربكتني الشرابيك=وحسيت الارض تدور وانا بمحلي
الخد كنه ياحياتي سيراميك=والوجه شارع مثل شارع حولي
الوجه كنه بيت كله شبابيك=من هالحفر في وجهها اللي يعلّي
كله سبب مكياجك الله يجازيك=خليتني مخدوع في شكل خلي
ونصيحتي لكل شاب من غير تشكيك=لا لا اتسرع ثم تنغش مثلي
اللي بلا مكياج خلها حواليك=واللي تحط مكياج خلها تولي
[/POEM]

__________________
ومن يعمل من الصالحات وهو مؤمن فلا يخاف ظلما ولا هضما