.
.
ياهـل الهــوى قلبي تمكـن بـه الياس .... مـن حــب خــل(ن) لا سقــا الله حله
عــزاه ياقلبــ(ن) مــن الحـــب منداس .... اقفت بــه الدنيــا وهـــو مـدهلن لـــه
والموت مـن حــبً يعمر على ســـاس .... مـــايتـرك المخلـــوق حتــى يسلـــه
كنت احسب ان الحب عـزه ونـومــاس .... وأثــرهـ لـــذربين اليمــانـــي مــذلــه
صبــرت لين انــه لمس هامــة الـراس .... ووطيت قلبــي بالقدم صافطـ(ن) لــه
خلاص يكفي مـاجـرى لـي مـن الناس .... لــي ملت(ن) والحـب عشـرين ملــه
مالي بعرشـه يا أريش العين مجــلاس .... لـــو تفـــرش القــاع بحــريــر وتفلــه
والادمي لو كـــان يجـــري بالاغـــلاس .... مــا كـل والله مـايبـي حاصل(ن) لــه
تـــوك دريــــت ان المعـــاليق يبــــاس .... مـــن بعــد مـافـــات الاوان ومــزلـــه
لــو فيك ذرة حــب بالقلــب واحساس .... ان كـان من هاك السنه فاطن(ن) لـه
واليــوم لـــو تبغــى رساله بقرطــاس .... مــا عــــاد عنــدي للمــواضيـع علـــه
والله لــــو تبكـــي وتشكــي وتنحـاس .... مـــاتحتــرك منــك الاحــاسيس للــه
لـــو انقطـــع قلبك ورايـــه والانفـــاس .... يابعــد قلبـــي عــــن يــديك ومحلــه
ولو كان تضرب لجلي اخماس وأسداس .... مالي بدرب(ن) مونس(ن) فيه ذلــه
مـــانــي علـــى غيــر المعـادين نكاس .... واللــي يبــي درب السلامــه يــدلـه
قلب(ن) سقيته صافي السم بالكــاس .... مـابـــه محـــل(ن) لــك تفيـــا بظلـه
صــورتك فــي عينـي رمـاده ونسناس .... يــاهـــادم(ن) قصــر الغـلا فوق خله
النفس طــابت منــك ياجوهــر المـاس .... طــويت حبــك مـــن زمـــان وسجلـه
وسلامتكم ,,,
القصيده لشاعر الثقلين الشاعر / ممدوح المرزوقي