صريح انا مااعرف شلون انت توظفت بس يبدو لي انك توظفت عن طريق شركة توظيف من الأساس وشركات التوظيف أتعس جهة ممكن العاطل عن العمل يلجأ لها على حد علمي فانظر معي كيف تكون سياسة شركات التوظيف

طبعا انت تروح لهم تقدم عندهم أوراقك ويبحثون لك عن وظيفه وينجحون طبعا بما انهم الجهة المستفيدة من الموضوع وشركات التوظيف مبدعه في اختيار الشركات الخاصة المناسبة ذات الراتب الممتاز لسبب ألحين راح أوضحه لك

لما تتصل فيك شركة التوظيف وتقولك يافلان تعال عندي لك وظيفه في الشركة الفلانيه بالراتب الفلاني (والراتب يكون قوي ويعجبك) تفرح وتطيررررررر لهم على طوووووول عشان توقع العقد وتتفاجأ بالعقد يكون فيه بند يفيد بأن الشركة بتقتطع من راتبك مثلا 2000 ريال لمدة 3 شهور على ماتتثبت لأن اللي أعرفه ان فترة التدريب تمتد من 3 إلى 6 شهور وبعد الـ3 شهور لو حست شركة التوظيف ان الشركة اللي توظفت انت فيها تبي تثبتك تبادر بالحيلة أو بالمغالطة أو بأي شيء آخر عشان الشركة الخاصه اللي وظفوك فيها تنهي خدماتك لأنك لو تثبت مابيستفيدون منك شي

لهالسبب أقولكم الحذر ثم الحذر من مثل هذه الشركات..طبعا مب كل الشركات تتبع هالسياسه لكن أغلبيتها تتبع هالسياسه على حد علمي ...

صريح فعلا مشلكتك تعور القلب وعني انا انقهرت منهم والله ياخذ حقك منهم صدقني اللي منهم فلت من عقاب الدنيا مابيفلت من الآخره (يوم لاينفع مال ولابنون إلا من أتى الله بقلب سليم)

دمت بود أخي العزيز