اقتباس:
المشاركة الأصلية كتبت بواسطة انحراف باحتراف
الله يوفقك وان شاء الله تتخرجون على خير ..
لاهنت خيو بغيت اسالك كم سؤال واتمنى تجاوبني عليه بالتفصيل الممل ..
1_ كيف الدوره ف ال45 يوم من كل النواحي النوم متى ومتى تصحون ..
2_ بعد ال45 يوم كيف النظام تطلعون دوام عادي والا كيف الوضع ..؟
والراتب ينزل من اول شهر والا لا .. وكم الراتب اثناء الدوره ..
ياليت تجاوبني يابعدي والله يوفقك ويوفقنا .. 
|
شوف طول الله عمرك ال45 هذه يبغالك فيها الصبر بس والتحمل
البداية تقومون على صلاة الفجر وبعد الصلاة هرولة وتمارين رياضية بعد كذا تتوجهون للميز
عشان وجبةالفطور وتخلصون الفطور وتنزلون للميدان وتبدأ حصص المشاة العسكرية
الحصص هذه متعبة جدا لكن فيها ضحك كثير وبمناسبة الضحك صدقوني صدقوني راح تضحكون ضحك من اخوياكم لان الحركات كلها جديدة عليكم واشياء ماتتوقعونها
المهم الحصص هذه حتى اذان الظهر تتوجهون للمسجد وتصلون الظهر وبعدين تطلعون الميدان ويصلبونكم مد45 دقيقة ثابت بدون اي حركة ومن ثم تتوجهون للميز عشان تتغدون وتخلصون غدا وترجعون للميدان وتصليبة لين قريب العصر وتصلون العصر وترجعون للميدان حصةهرولة
وبعدين تصلون المغرب وبعد المغرب يشوفون لكم صرفة محاضرة او يجلسونكم في الميدان لين العشاء وتصلون وتتعشون واحيانا ينومونكم واحيانا يثبتونكم شوي وبعدين تنامون
اوه نسيت شي النظافة راح تنظفون المبنى اللي انتو فيه ودورات المياه الله يكرمكم بالمكانس والشطافات والمساحات والصابون والله يعينكم
هذا بالنسبة لل45
وبعد ال45 يوم تطلعون اجازة وترجعون وراح يكون برنامجكم مختلف
راح تدخلون حصص تعليمية في الفصول وراح تتغير المعاملة شوي راح تشد شوي
لانكم خلاص عرفتم العسكرية والدوام مافيه دوام
فيه حجز لين الاربعاء والاربعاء تطلعون وترجعون يوم الجمعه العصر او في الليل
اما الرواتب فهي حسب ادارتك
طبعا راتبك في الدورة 4965ريال
يعني انا مثلا من ادارة مكة استلمت اول راتب لي بعد ال45 في نهاية اول شهر لي بعد ال45 يوم
وفلوسك الباقية بتجيك شيك يرسلونه لك المديرية على مركز التدريب اللي انته فيه
يعني حسب الادارات
اذكر شباب من زملاي من ادارات ثانية تأخرت رواتبهم
ربي يوفقكم انشاء الله
ويصبركم
[motr1]
تحياتي لكم
اخوكم ارواح الجروح
[/motr1]