شباب لا تقعدون تقيمون وتحددون عدد التخصصات لأن فيه هناك من هم في تخصصكم ويبي الامنية بس مو شرط انه يدخل منتدى البطاله عشان يقول انا تخصصي كذا وضموني في قائمة تعدداكم لا تنسون ان خريجي السنة هذي والسنة اللي طافت راح يكونو معكم في التقديم ربما الصدف جمعت اصحاب تخصص واحد في هذا المنتدى بشكل اكبر وتبين لكم انهم اكثر عدد بينما عددهم اقل من غيرهم هناك تخصصات ما سمعنا عنها في هذ المنتدى او سمعنا عنها بشكل محدود مثل التربية البدنية والشريعة الاسلامية مع ان عدد خريجيهم كثير ...على فكرة اللي في جامعة الملك سعود وحصل على دليل الخريجين بيعرف عدد خريجي عام 1430-1431 هذا بالنسبة لجامعة سعود فأنا مثلا حصرت اصحاب تخصصي (علم اجتماع) وعددهم35 متخرج من الصيفي الماضي والترم الماضي وهذا الترم .
اما بالنسبة لتخصص الحاسب الآلي وعلومه فأنا حصرت عددهم وهو 96 ، اما بالنسبة لتخصص الشريعة الاسلامية فعددهم 122 ،اما التربية البدنية 66 واما بالنسبة لخريجي كلية الهندسة فعددهم 516 عاد المفاضلة اتوقع تكون بالتخصص الدقيق وكل هذي الارقام تتكلم عن جامعة الملك سعود خريجي الفصل الصيفي الماضي والفصل الأول وهذا الفصل (المتوقع تخرجهم) وكل هذي الارقام اخذتها من دليل الخريجين مافي شي من راسي يعني الارقام صحيحة 100% ولا تنسون ان هناك من معدله مقبول او طوله ناقص او وزنه زايد او انه ما يبي يسجل اصلا في العسكرية واسباب الاستبعاد كثيررره لا حصر لها لكن اعلم ان رزقك لن ياخذه غيرك ولو عدد خريجين تخصصك مليون واحد ...اتمنى انكم تاخذون فكرة عن عدد خريجي جامعة سعود ولاتنسون ان هناك جامعات اخرى قد يكون خريجيها عددهم اكثر مثل جامعة عبد العزيز .وآسف على الاطالة .