اقتباس: المشاركة الأصلية كتبت بواسطة الواصــــــــــل السلام عليكم ورحمة الله وبركاته اليوم بقولكم بالتفصيل وش صار معي بموعدي بتاريخ 23/6 اول شئ وصلت لهم الساعه 5 تمام ويوم جت 5 وربع دخلونا ثمن دخلونا داخل ثمن نادوا بالكشف واللي اسمه موجود يروح يصف قدام ثم صفيت انا ومجموعتي طبعا كل مجموعه 17 طالب وكل مجموعه مسئول عنها عسكري كنت باول مجموعه ثمن ركبونا الباص ثمن رحنا اشوي قدام لقسم تدقيق المعلومات والشهادات اول مادخلنا فيه عسكر داخل وكل عسكري على طاوله وكرسي احنا كأول مجموعه نجلس ع الكراسي الاولى ورى بعض ثمن الللي جنبنا المجموعه الثانيه وعلى هالحال اذا جاء دورك تروح تدقق شهاداتك عند عريف ثمن يقولك وقع على هذا التعهد اللي هو عدم الاعتراض على مكان انعقاد الدورهـ وان التعيين على حسب احتياح المدن والمحافظات وقعت عليه وحط كل شهاداتي بالملف واخذ الصور كلها ودبسها فالملف وقال خلاص كل شئ صح ارجع مكانك طبعا راح يسألون منو اللي ماكتب المعروض ويعطونه ورقه وقلم ماكان فيه الا 3 اللي ماكتبوا ويقولهم شباب اكتبوا الى سعادة مدير قائد...... بنطقة الرياض (ركزوا عليها دائما ينبهون لها )وبعد يسألون منو معه دوره تاهيليه يعني كان في دورة عسكريه وتخرج منها (معهد)كان فيه 2 وواحد منهم اعرفه وكان جالس وراي وقاله العسكري اللي يدقق الشهادات انك يمكن بعد 45 يوم تباشر عملك عشان انك متخرج من دورهـ وأستانس هو رجعت لمكاني وبعد ماخلصنا كلنا المجموعه اللي انا فيها رحنا غرفه ثانيه اللي هي اختبار تحريري السؤال الأول اكتب القطعه كما هي السؤال الثاني اكتب سبع مناطق من مناطق المملكه السؤال الثالث ماهي اضرا المخدات السؤال الرابع تكلم عن نفسك وعن سيرتك ونشأتك وهواياتك طبعا يقولون لكم فيه وقت محدد للاجوبه بس ماعليكم الامر سهاله ويعطونك وقت كافي واللي مامعه قلم تى العسكري راح يأخره اشوي ماسلمه قلم يقوله ليش ماجبت قلم خلاص صفر بس بعد 5 دقائق يعطيك القلم عااد اللي باقي موعدهم ياخذون قلم عشان مايتقروش ويتشحذهم المهم تركيزهم بس على خطك ثمن اذا انتهينا نروح كلنا ورى بعض لقسم الكشف الطبي ثمن يدخلونا صاله ونجلس على الكراسي ثم بالترتيب واحد واحد يقيس الطول والوزن ثم النظر ثم ترجع مكانك بالصاله لين يخلصون خوياك اللي معك بالمجموعه المهم جاء دوري حمد لله طولي كان ناقص بس عديت وشفته يوم كتب على الورقه 168والوزن كتب 51قلت الوزن ليش قال عاادي اهم شئ ماتكون سمين بعدها رحت للنظر تقريبا مترين وأشوي عنك اللوحه بعد ماتختبر تقوم من الكرسي وتروح لعمى الألون يعطيك 3 صفحات يقولك ايش الارقام هذي اذا خلصت يقول توكل وروح للصاله لين مايخلصون خوياك طبعا فيه واحد يقولي انا مركب عدسات بس بيني وبينكم والله ماافهم في العدسات ولا اركز عليها ولا اعرف وشلون اعرف ان كان مركب عدسات ولا لا بــس حمد لله النظر عندي تمااااااام وكثير طلبه يقولون انهم مركبين عدسات ولا قال لهم الممرض شئ شباب اذا رحت تقيس الطول والوزن والنظر تكون لحالك يعني لو تعرفه ولا أتشد ماعندك احد الامور سهاله فيه طلاب شافوا طولهم وفيه طلاب ماشافوهـ فيه طلاب عرفوا انهم انكتب لهم اقل من 168 وفيه ناس متعمده ماتدري فيه ناس عرفت في نفس اليوم ان كان عدى بكل شئ ونجح ولا لا المهم اذا خلصنا كلنا يروح للدور الثاني بنفس مبنى الطول والوزن سبعه طلاب ثمن اذا انتهوا يكون جاء مجموعه ثانيه لانك تقف عند الدرج والمكان ضيق فـ مايشيل ال17 بعدها جاء دوري ودخلت على اللجنه طبعا تدخل ماعليك لاشماغ ولا عقال ولا طاقيه ولا نعال وانتو بكرامه ثمن تشمر يديك وتربط ثوبك على وسطك وترفع سروالك للركبه (تخيلوا الشكل ) ثمن دخلت عليهم وسلمت عليهم وصبحتهم بالخير وردوا كلهم وقالي عرف بأسمك عرفت باسمي وموهلاتي وقالي متى متخرج قلت قبل 5 شهور قال قدمت بالديوان قلت اي وضحك قالي ابوك وين يعمل قلت في كذا قال واخوانك قلت في كذا وكذا وكذا قال انت وش جابك للمباحث طيب يقولها ووه مبتسم قلت (لكي اصير عين متسلطه على كل من تحاول نفسه التلاعب والخذلان بأرض الوطن)قال كفو والله مدري قالها من قلب ولا قال والله من الخرطي بعدها قال متى جيت من الديره يقوله الرويس لبى قلبه حبوب قلت البارح قال كم اخذت قسيمه من نظام ساهر قلت ولا مره لاني ماجيت العاصمه الا البارح ولا أمداني ابتسم وقال احسن لك انك ماجيت الا ليلة موعدك ولا كان صورك ساهر يعني لقطتك الكاميرا قلت حمد لله على كل حال (كل قصده يبيني اسب نظام ساهر )شوفوا السياسه ^_^ قالي وش رايك بساهر يافلان يقوله المدني قلت نظام حديث تبين في الفتره الوجيزه التي عمل بها في الرياض تبين قلة الحوادث والالتزام بالسرعه المحدده قال موفق خير يافلان روح وانتظر الفرز 7/8 قلت ممكن سؤال وأنا أنظر الرويس قال سم قلت الاستثنائات وش وضعها قال انت عندك استثناء قلت لا لواحد اعرفه ابتسم وقال انت كل بياناتك عندي سليمه ولا بقى عليك الا الفرز يعني ماتحتاج الاستثناء قلت طال عمرك سؤالي بس الحين اللي معه استثناء وش وضعه قال كل اللي يجون لموعدهم هنا حتى لو طوله 160 مانرده لانه يمكن يبين ان عنده استثناء واح نشوفهم في شهر 8 قلت طيب واللي ماانقبل وهو عنده استثناء قال الله يعوضه والله ياشباب سألته عن الاسئله هذي عشانكم قلت لهم الله لايهينكم وماقصرتوا قالوا ياهلافيك وموفق خير شباب الرويس بدوي وطيب وحبوب ورجال شروا من هنا هم تكيزهم على مخارج الصوت ترى بيناظرونك كلهم وبيحسسونك ان فيك شئ بس لاتناظر الا فاللي يسألك اذا دخلت ابتسم وسلم عليهم وصبحهم ترى قالي عسكري بعد ماطلعت تصدق انك انت الوحيد اللي اللجنه تقوله ان صبح علينا اما الباقين سلام وبس يعني حلوه لما تصبحهم بالخير على الاقل يخففوا من الاسئله ويستحون اشوي لا تناظر تحت وانت تتكلم خلك شنب وملكع وبعدها طلعنا وركبا الباص وسلمونا جوالتنا ورحنا لديارنا وأي سؤال انا هووووون بيض الله وجهك يالواصل وجزاك الله الجنه وفالك انت وانا وجمييع الي قدموا القبول النهائي يااااارب تحياتي خ ـــالد الحربي
