يغنيك عن كثر الحكي مجمل ابيـات
..................ومن ياخذ المضمـون يلقـى الادلـه

تدري وش اللي يقتل الحـب بسكـات
..................لاصرت في بوحـك تحـس بمذلـه

وتدري وش اللي يكسر الظهر حزات
....................لامن عطيت احسـاس ماهـو محلـه

وتدري متى تستاهل الطعـن مـرات
...................لا من خطيت الـدرب وانتـه تدلـه

لا تتبع المقفي علـى كـل حـالات
.................بعض الوجيـه اللـي تقابلـك علـه

ولا تسال الغالي عن الجرح لا فـات
.................نبـش الحكـي يـزود الطيـن بلـه

طالع فمن حولـك وتاخـذ شهـادات
.................مانلتهـا لـو تـدرس الدهـر كلـه

ناس(ن) تجر من اسود الضيق ونـات
.................ونـاس(ن) تقضيهـا وناسـه وفلـه

هذاك شال همـوم غيـره ولا بـات
..................وهذاك مايدري عـن احسـاس خلـه
احدن يهين اصله علـى كـل زلات
...................واحـدن ترومـه شيمتـهماتـزلـه

لا تقولحظي من عناهـ قد مات
.....................قل مات حـظ اللـي عنـاه استحلـه

ولا ضاقت الدنيا وعلى الكيف ما جات
...................اطلق احجاجك ثـم توكـل علـى الله