بسم الله الرحمن الرحيم
انا سويت المقابلة في الطائف جعله السيل يوم السبت الموافق 6/29 وكانت كالتالي /
أولاً دخلت مع البوابة الثانية السوداء 
الساعة 6 وطلب مني العكسري البطاقة وجلس يطالع في خشتي شوية وفي البطاقة وبعدين قالي ادخل وصفيت مع الشباب وصلت العسكري وأخذ الملف وطالع فيه وفي المعروض وكل شئ تمام الأوراق مصدقة بختم طبق الأصل والمعروض تمام بإسم مدير منطقة مكة المكرمة وطلب الصور 10 مكفوش الرأس 
وأعطاه عكسري جنبه وقرأ في الكشف عنده وحصل إسمي وأعطاني رقم وقال ارجع مع الشباب اللي عند الجدار وصفيت معهم وجلسنا حوالي نصف ساعة إلى أن وصل عددنا تقريباً 50 طالب وبعدين قال العكسري يالله روحوا إلى الصالة الثانية وهي بعد مساحة مسفلته ودخلنا و قبل الدخول قال عسكري نزلوا الحذي أكرمكم الله ونزلناها ودخلنا وصفنا في المسرح وقال اجلسوا وبعدين قال اللي عنده شهادة تدريب عسكري من المعهد المهني وطلع مجموعة وحطهم في مكان خلف العسكر اللي أمامنا وخلاهم وقومنا واحد واحد للعسكر اللي قدامنا وأعطونا نماذج التسجيل وكملوا الملف واللي عنده شهايد ما هي مصدقة يصدقونها من عندهم وبعدها خذوا ملفاتنا وصفونا وبعدها الساعة 8 تقريباً أخذ العكسري ملفاتنا وزهم بالأسماء على مجموعات وطلعنا ولبسنا الحذي ومشينا وراه للمبنى الثاني جنب المسرح وزهم بالأسماء عسكري جالس على طاولة وقبل الدخول يقول نزل الحذيان وانتبه لا تحطها على الفرشة وهم أصلاً لابسين البساطير على الفرشة بساطير معفنه لكن يالله وجمعونا في الغرفة وجانا واحد مدني ومعه واحد تختور وقال نزلوا الغتر والطواقي وزهمنا واحد واحد يقيس الوزن والطول والدكتور جنبه يقيس النطر وبعدها نطلع نلبس العمامة ونجلس في صاله صغيرة وبعدها يزهم علينا الظباط للمقابلة وهي عبارة عن إما أسئلة شخصية أو عامة يعني ما فيها أي مشاكل ,,,,
وسلامتكم
ملاحظة // أنا عندي مشهد ان الوالد كان يعمل في المباحث وحاطه في الملف لكن طلعوه وقالوا ماهو مطلوب ليه ما أدري /
2/ العسكر وتطبيق الأوراق تمام والظباط حقين المقابلة تمام وناس محترمة ,,, لكن المشكلة عند الوزن والطول والنظر ,,,,
وبالتوفيق للجميع