اقتباس:
المشاركة الأصلية كتبت بواسطة ايتو
|
عزيزي الكريم ايتو
احنا في النهايه موجودين هنا عشان نخدم بعضنا
والخبر اللي انت ارفقته هذا مر علي قبل كذا
وانا كنت من ضمن المقبولين
بس مثل ما تعرف الجامعي احيانا يسوي زحمه بشهادته كم شهر وبعدين يرجع
اخوي انا يوم قلت لك ان ما فيه ثانويه انا متاكد ميه في الميه
انا عارف انو اللي في مركز الطوارئ الحين هم عرفا ووكلا رقبا لسبب بسيط
انو انا عيال عمي يطلعون خميس وجمعه عندي في الشقه واخذ منهم كل المعلومات وغير كذ1 خوياي اللي من دفعتي اكثر من عشرين في نفس الدوره وهذا اللي حمسني اني اقدم على العسكريه
خاصه انهم يمدحون هالقطاع كثير .بعدين تعرف تصانيف العسكر , يقول تجمعوا في مكان واحد وبعد ما يتجمعون يشتتهم , عشان كذا لا تصدق كل شي .
عموما احنا اهتمينا في الصغائر وخلينا المهم اللي هو المقابلات الشخصيه والقبول النهائي
اللي انشالله يكون من نصيبنا
اخوي ايتو انشالله ما نختلف انا وياك
وراح نبارك لبعض بالقبول وجها لوجه في الدوره انشالله
والله يا شباب انا عندي خلفيه بكل القطاعات العسكريه بحكم اني من بيئه اغلبهم عسكر
امن السفارات هو افضل قطاع عسكري الان
سواء من ناحيه عمليه ومن ناحيه ماديه وايضا من ناحيه مستقبليه اللي ناوي يكمل حياته برا السعوديه .
واحنا ترا جينا في الوقت المناسب لانو امن السفارات قطاع جديد جديد
الى الان ما اكتمل العدد المطلوب ولا راح يكتمل الى ثلاث سنوات قدام
الحين في دوره في مكه وفي الرياض اكثر من دوره وفي الشرقيه دوره
لذالك حظنا زين انشالله
وبالتوفيق للجميع