[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
متى على الله ياهوى بالي القاك = متى اشوفك يابعد كل غالي
أن غبت عني زايد الشوق نادك = وطيفك معي متمركز(ن) في خيالي
تبقى معي في خافقي ماتناساك = تبقى ويبقى حبك اللي صفالي
يزيد فيني الشوق لاحل طرياك = وأشربك يانبعي قراح (ن) زلالي
أهواك واللي صورك حيل أهواك = وأشربك يانبعي قراح (ن) زلالي
لك بالحنايا شوق لمداعب شفاك = لك بالخفوق المغترب قصر عالي
أرواك وأشبع منك وأعود وأضماك = وأهيم لامني ذكرت الليالي
يافتنه الله لالمحته محياك = يضيع مني وصف ذاك الجمالي
ما أنساك والله يأدعج العين منساك = تبقى معي بالقلب حب (ن) مثالي
تفداك روحي يأكحل العين تفداك = وتفداك روحي يابعد كل غالي
متى قلي متى أنا اصير وياك = يالله لاتقطع رجاه بوصالي
أن كان لي بالعمر لحظه بلقياك = بعيشها أن كان لييييه مجالي
[/POEM]
:o
للشاعر
عبدالعزيز الطلوحي