يارجال .. أستوينا
ملايين تضيع قدامنا وحنا ما احد داري عن معاناتنا
ملايين تصرف على الكورة (ومن زينها بعد ) والجنادرية .. ومزاين الحمير والبقر والتيوس والضبان قريبا ً
ملايين تضيع على لبنان والأردن والمغرب واليمن
دول مهما عطيتها تبقى بنظرها بدوي وصخ قذر ماتستاهل البترول .. يكفيك بعير وخيمة (وكلامي عن تجارب)
حتى أمريكا عدو الإسلام والمسلمين أكلو من خيرنا ومن فلوسنا اللي ماشفناها

وظايف مافيه واتكلم عن منطقتي الحدود الشمالية لامعاهد ولا شركات .. وين نتوظف يعني
نسافر نترك اهلنا عشان نتوظف .. من نخليهم له ؟؟ قاتل الله الظلم وأهله

طيب وظايف مافيه ؟ آمنّا بالله
نبي أراضي من 11 سنه واحنا ننتظر
وحنا نعيش بقارة مو في البحرين أو الكويت او قطر
هالأراضي مخلينها لمين ؟ للضبان والحيايا
يعني لازم منحة ؟؟ هذا حق ماهو كرم من فلان وفلنتان ..

نبي قروض
يعني لما يصير عمر الشخص 50 تجيه الأرض والقرض لما يصير 60 ؟؟
وش الفايدة ؟ اذا ماتتهنى في البيت بشبابك ؟؟

نبي نتزوج نحس أننا أوادم .. الواحد نشف وجهه من الجفاف
والدوله نايمه لامساعدة زواج ولاتكاليف صالة أفراح زي بعض الدول

طيب العاطل اصرفوا له لو 500 ريال .. بدل مايطلب العشره والخمسة من ابوه وامه
عاطلين فوق الثلاثين سنه والله حرام يصير فيهم كذا ..

الشيوخ وأهل الدين وكبار العلماء ساكتين عن حقوقنا ..
والإعلاميين منافقين مطبلين ماعندهم إلا سعودية ساقت وسعودية رقصت
يسمعون بحرية التعبير ..

وينكم عن الفقر اللي هدم أحلامنا وطموحاتنا ..
ماتعرفون غير كل شي تمام طال عمرك ..

كثرت كلام وادري ما احد بيحس ولا احد داري عني وعن اللي مثلي ...
لكن نحن وهم يوم القيامة عند من لايظلم ..