الناس تنشدني عن الحال وش فيك
وأجاوب بصوتن يجيب الكأبه

مالي جدا بالصوت كلي أناديك
الصدر ضايق مابه أية رحابه ..

من عقب ماني ونس كل الصعاليك
صارت حياتي والمأسي تشابه ..

الضيق ومعاند خفوقً يناجيك ..
والوصل لامن غاب واقفآ زهابه

والعبره اللي تختنق بالخفا فيك
راحت حياتي شر مثل النهابه

سرقتني يازين في حفلتك ذيك
ودعت جرحي والجروح تشابه

ماعاد باقي يافرح شي يطريك
ماغير أنا والهم طرق وصحابه

ودعت انا كل الهوى يومي أغليك
وجنبت عن دربن ذبحني عذابه ..

مادام رحتى ياهوى بال مغليك
هاك الخفوق اللي تزايد صوابه ..


الله الله
مبدع والله ياماجد
صح السانك على كل حرف
انت شاعر مميز لك اسلوب خاص فيك
كل نص تكتبه يدخل القلب من دون استئذان (:
لاهنت يالجزل