السلام عليكم ورحمة الله وبركاته

الحمدلله والصلاة والسلام على رسول الله وعلى آله وصحبه أجمعين


يا بوي طال البعد بينك وبيني
ليه الجفا يابوي وش جاك منا
خاب الرجا وأقول بكرة يجيني
مات الأمل وأنا وقفت أتمنى
لا تلومني لو تذرف الدمع عيني
فاقد وجودك يوم قفيت عنا
عطف الأبوة ليه ما يحتوني
وينك فديتك تونا صغار سنا
عنوان للأحزان نكشر جبيني
ترجع أبوي برجعتك ما توَنّا
المال مابه حس لو هو ثميني
وينك أبويَ ضمنا واحتضنا
طالت مشاوير السهر والحنيني
غربة مشاعر والليالي وطنّا
يا جمرة الحرمان لا تحرقيني
يا رحلة النسيان بعده حزنّا
جناحي المكسور زوّد ونيني
والحزن في صحرا المآسي دفنا
ياما بكيت وقلت يمكن يليني
وياللأسف ما عاد قلبه يحنا
صرخة طفولة من عنا الوقت فيني
يبقى صداها داخلي ليه حنّا
فاقد حنان الأب أول سنيني
وغبطت منهو معه أبوه يتهنا

قصتي من البدايه يجسدها هالفلاش

http://saaid.net/flash/1183750782.swf


آخر يوم دوام لي بالأسبوع اللي فات ابوي مارضى احد يوديني لدوامي غيره
ومن بعدها مالي نفس بالدوام
وهذا اليوم الثالث غياب

ابوي يرقد حاليا بالمستشفى
والدكتور قال نسبة العمليه بدون اعاقه مستديمه 10 %



لحظة وداعه لنا كانت غير

ماتمالكت دموعي
بكلتمه مادري انا ارجع او هذي آخر مره اشوفكم فيها

مالقيت احد يوقف معي ويواسيني غيركم

حتى النوم والله مانام غير 3 ساعات

والله لو صار لأبوي شيء بتصير هذي آخر لحظاتي بهالدنيا

بعد لحظة وداعي له

وهو طالع وكله يأس وكأنه رايح بلا رجعه

كتبت بدمعي



يابوي تعال اسولف لك
عن حالي من بعدك
طريق الضلال قدامي
والحمدلله اللي هداني
يبه محتاجه حنانك
يبه حنا أمانه
يابوي تسمعني
حنا امانه
حنا امانه
حنا امانه

على راحتك ومثل ماتبغا
لا تآكل ولاتشرب معنا
زعلني وجعلني مارضى
و هزأني قدام اللي يسوى واللي مايسوى
مايهمني شي
كثر مايهمني تكون بهالدنيا حي
أشوف زولك رايح وجاي
وأسمع عالي صوتك وعتابك
مايهمني شي
بس المهم انك حي
وأجاوب من يسألني
ابوي موجود بس مشغول شوي
يبه
لحظه قبل تروح بس بقولك شيء
وصلها للدكتور
وصتني على هدب عيني
لايضر الهواء منها شيء
ثم
قل يادكتور كم قلت لي نسبة النجاح
بيقول ليش تراجعت قلنا لك ١٠ بالميه
حط ايدك على كتفه وقل
مسكين يادكتور وكلتها للي ماتنام عينه
اللي يجعل من الميت حي

يبه لحظه لاتمشي قبل أضمك يبه اشوف اليأس بعيونك
يبه لحظه بقولك آخر شيء
بس قرب اذنك شوي
ابشرك اني بعدك سقيمه
جعلها توافيني المنيه
قبل اسمع خبر وفاتك

مابي منكم غير الدعاء وبقلب صادق
نسبة االنجاح 10 % ولكن ربي مايعجزه شيء