المشاركة الأصلية كتبت بواسطة غريب الاوطان

في شغله اذا عندك مبلغ وخايف تطيره ومصر على مكتب خدمات وفكرت في اخذ تجربه في مكتب خدمات ففي طريقه تجميد الحساب اضن تروح البنك وتعمل تجميد لفتره معينه وما تقدر تسحب ولا ريال منها الا بعد نهاية المده
اعتبر الشغل دوره لفتره محدده منها تكسب علاقات ومنها تعرف جهد الشغل حتى تعرف تتعامل مع الموظف الي بتحطه لو فكرت تحط موظف فمن الافضل لك ان اي واحد تحت ادارتك تشتغل شغله عشان تكون اقرب في التعامل معاه لانك فاهم الشغل والصعوبات الي تواجهه والمنافذ الي ممكن يتلاعب فيها
وشوف اي تاجر يطور نفسه تلاقيه من البدايه يشتغل بنفسه وإذا اشتغل معاك موظف وشفته مجتهد بالتحفيز حفزه وعامله باحترام وضبط قوانين شغلك وسد الثغرات من دون الحاجه لتخوينه او الاساءه له حتى لو اضطريت انك تشكره كل مره على اي عمل يقوم فيه وتمتدحه حتى يكون عقل ثاني يفكر معاك لصالح الشغل الي تشتغلونه مع بعض فاعطه الثقه ورفع المعنويه وحذاري من التحطيم لانه بمثابة التحطيم لارتكاز شغلك ولو لقيت فرصه وساندته في شغله من دون خصم من مرتبه او نسبته وساندته بشغلك لشغلات يحرج منها ويراها عقبات فانت تقرب منه وتقربه للشغل و تذكر نفسك بشغلك وإذا اشتكى من شي فالافضل انك تجرب الصعوبه الي يشتكي منها وتحاول تسهلها بدل ما تتجاله او تتهمه وتحط حاجز او كراهيه بينك وبينه هذا بالنسبه لشغله اما بالنسبه لشغلك انت فالافضل انه يراك قدوه ويكون محتاجك في اتمام شغله وارقامه الي يريد ايصال شغلك لها

اذا كان مبلغك ما يكفي لاجار و مكتب وكراسي فشوف الحاجات الي تتحمل لفتره طويله واحجزها بدل ما تحجز المحل ثم تفكر في شراء الاغراض الي تدوم معاك لفتره طويله ووفر لك مبلغ الاجار الي ممكن يضيع عليك في حال ان المحل وموقعه ما يكون فرصه ما تتعوض هذا اذا كان اي محل يغطي فاشتر الاغراض الي تدوم طويل الان عشان تجبرك تكمل الي تريد ويسهل عليك مستقبلا الاجار حتى لو ضبطت اللوحات وركنتها وأي شغله تدوم لفتره طويله لجل تسهل على نفسك فتح محلك وانت سهلت على نفسك خطوه خطوه وما راحت فلوسك الا لشي تخطط له وتتحمل لوقت طويل الا في حالة ان تقدر تشغل المحل بالشكل الي يرجع اجاره ويكون سبيل لكسب عملا فشي حلو بدل الانتضار لوقت طويل ثم البدايه من الصفر او التعثر وترك المشروع ففكر وش الانسب لك حتى تحط لك جر اساس تبدى فيه فالاحلام والاماني غير والخطوه الاولى هي توصل للهاويه او للميل او الالف ميل

اقولك الشي هذا لان لي تجربه واستشرت ناس في تموينات وما تركت مدينه الا واستشرت فيها وهذا من قبل اكثر من عامين لسنوات وانا ابي تموينات وقالولي حق فتحتين يبيلك من 25 الى 35 الف ريال والبضاعه راح يوفروها لك الموزعين قلت دامها كذا خلني اضبط الديكورات وكلفت خمسين الف وزياده ويوم جيت للبضاعه وابي تأمين قالوا ارتفعت الاسعار ووقفنا التأمين للمحلات الجديده لان ماعندنا سيوله تكفي لتأمين كل المحلات رحت يمين ويسار واكثر من سنه ونصف يمشي الاجار وانا مغير اسحب جوالين ان قلت المؤويه فعندي بيت واراضي بحطها ضمان لكن قدامي قرض الزواج الي اخذته من سنتين لجل الزواج الي كلف مع الاثاث والسياره حدود ربع مليون والباقي قلت افتح تموينات حدني عاطل الين ما ربي يرزقنا بوظيفه وصار الاجار هم على هم وناوي ان شاء الله اكمل وما لي نيه ابيع ارض لجل الاماني وهي اني ارجع تجالة الوالد في التموينات الي كنت اشتغل فيها وانا صغير فكل شي جاهز فيها الا البضاعه ( عندك سلف 15 الف ) << واحد بينصحك ويطفر فيك فشد حيلك والي قدر يجيب 15 بيجيب اكثر والي قدر يتجاوز فشل ويرجع من جديد بيقدر يتجاوز الفشل الي بعده والي هو تجربه تكسب خبره ان في طرق خطا تجنبها في المستقبل وتعلم من الزلات الصغيره كيف تواجه الصعوبات وحذاري من التضحيه بشي في اليد من اجل طموحات الا اذا كانت مؤكده سلم واستلم